قازاقستاندا بالالارعا ارنالعان ءونىمنىڭ جاس شەكتەلىمىن كىم انىقتايدى
ۇلتتىق كاسىپكەرلەر پالاتاسىنىڭ سايتىنىڭ مالىمەتىنشە، ق ر ۇلتتىق ەكونوميكا مينيسترلىگىندە كاسىپكەرلىك ماسەلەسى جونىندەگى ساراپتاۋ توبىنىڭ مۇشەلەرى مەملەكەتتىك ورگاندارمەن بىرلەسىپ جەكە تۇلعالارعا اقپاراتتىق ءونىم تالداۋىن جۇرگىزۋگە كۋالىك بەرۋ اككرەديتاتسياسىن ەنگىزۋ ماسەلەسىن قاراستىرعان.
اتالعان ماسەلە ءماجىلىس قارالعان «بالالاردى دەنساۋلىعى مەن دامۋىنا زيان كەلتىرەتىن اقپاراتتان قورعاۋ تۋرالى» جانە «بالالاردى دەنساۋلىعى مەن دامۋىنا زيان كەلتىرەتىن اقپاراتتان قورعاۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوبالارىنان تۋىندايدى.
كاسىپكەرلىك كودەكستىڭ تالابىنا سايكەس جاڭا رەتتەۋ قۇرالىن ەنگىزۋ رەتتەۋشىلىك اسەرىنە تالداۋ جۇرگىزۋدى تالاپ ەتەدى، وسىعان وراي اقپارات جانە كوممۋنيكاتسيالار مينيسترلىگى ساراپتاۋ توبىنىڭ قاراۋىنا رەتتەۋشىلىك اسەرىنە تالداۋ جۇرگىزۋدى شىعاردى.
جەكە تۇلعالاردى ولاردىڭ اقپاراتتىق ونىمگە تالداۋ جۇرگىزۋىنە كۋالىك بەرۋ ءۇشىن اككرەديتتەۋدى ەنگىزۋدىڭ پايدالىلىق ماسەلەسى وسى تالداۋ ماقساتىنا اينالدى.
زاڭ جوباسىنا سايكەس بالالارعا بەرىلەتىن اقپاراتتى رەتتەۋ ماقساتىندا اقپارات تاراتۋشى اقپاراتتىق ونىمگە مىندەتتى تۇردە جاس ەرەكشەلىگىن (ارى قاراي تاڭبالاۋ) كورسەتەدى. بىلايشا ايتقاندا، قازاقستان رەسپۋبليكاسىندا اقپاراتتىق ءونىمنىڭ جاس ەرەكشەلىگى بەلگىسى سالىنباي اقپاراتتىق ءونىم تاراتىلمايدى.
باستاپقىدا بۇل تاڭبالاۋدى وندىرۋشىلەردىڭ وزدەرى جۇرگىزەدى دەگەن ەدى، سەبەبى ءدال سولار ءوز ونىمدەرى قانداي جاسقا ارنالعانىن جاقسى بىلەدى ءارى تۇسىنەدى.
ەندى مەملەكەتتىك ورگاندار كاسىپكەرلەر ەسەبىنەن قاندايدا ءبىر باعالاۋ (تالداۋ) جۇرگىزەتىن ساراپشىلار توبىن قۇرۋدى ۇسىنىپ وتىر. زاڭ جوباسىنا سايكەس اقپاراتتىق ونىمگە ب ا ق- تىڭ بارلىق ءونىمى، سونداي-اق ادامداردىڭ شەكتەۋسىز توبىنا ارنالعان قانداي دا ءبىر اۋديو-ۆيزۋالدى جانە (نەمەسە) باسپا ءونىمى جاتاتىنى ماڭىزدى. وسىلايشا، ءوندىرۋشى-كاسىپكەرلەر شىعاراتىن جانە يمپورتتايتىن بارلىق ءونىم ساراپشىلاردىڭ تالداۋىنان ءوتۋى كەرەك، ونىڭ ۇستىنە ەرەجە ءالى دايىندالماعان ءارى ساراپشىلار دا بەلگىسىز.
مۇنداي جاڭالىققا «اتامەكەن» ساراپشىلارى مەن جالپى كاسىپكەرلەردىڭ قوياتىن ساۋالدارى بار.
اقپاراتتىق قاۋىپسىزدىكتى قامتاماسىز ەتۋ ماقساتىندا جاس شەكتەلىمىنە قاراي تاڭبالاۋ قاجەت تە شىعار، مۇنى حالىقارالىق تاجىريبە دە راستايدى، الايدا، بۇل پروتسەسس تۇسىنىكتى دە ناقتى ەرەجەلەرمەن، سول ءونىمدى وندىرەتىن جانە يمپورتتايتىن سۋبەكتىلەردىڭ ءوز كۇشتەرىمەن بارىنشا اشىق جۇرگىزىلۋى كەرەك.
«تيىسىنشە، ەرەجەسى مەن كريتەريلەرىن بيزنەسپەن اشىق تالقىلاۋعا دەيىن تاڭبالاۋدى ەنگىزۋ ەرتە دەپ سەپتەيمىن. ال تالداۋ ەنگىزۋ مەن ساراپشىلاردى اككرەديتتەۋ ءتىپتى قولايسىز. بۇل جاڭاشىلدىقتىڭ ءبارى، ءسوزسىز، بيزنەسكە قوسىمشا قارجىلاي اۋىرتپالىق تۇسەدى، ونىڭ ۇستىنە مەملەكەتتىك ورگان رەتتەۋشىلىك اسەرىن تالداۋ تالاپ ەتەتىندەي اقشا بولگەن جوق»، - دەپ اتاپ ءوتتى «اتامەكەن» ق ر ۇ ك پ باسقارۋشى ديرەكتورى- زاڭناما جانە ءوزىن-ءوزى باسقارۋدى دامىتۋ دەپارتامەنتىنىڭ ديرەكتورى، كاسىپكەرلىك ماسەلەسى جونىندەگى ساراپتاۋ توبىنىڭ مۇشەسى ايجان بيجانوۆا.
«اتامەكەن» ق ر ۇلتتىق كاسىپكەرلەر پالاتاسى بەي-جاي قارامايتىن كاسىپكەرلەر مەن قاۋىمداستىقتاردان وسى ماسەلەگە كوڭىل ءبولىپ، ءوز ۇسىنىستارىن بەرۋىن سۇرايدى.
