10:33, 07 - قاڭتار 2018 | GMT +5
ەۋروپادا ءۇي حايۋاناتىن يەسىمەن بىرگە جەرلەۋ تۋرالى زاڭ جوباسى قارالىپ جاتىر
استانا. قازاقپارات - بەلگيا پارلامەنتىنە ءۇي حايۋاناتىن ونىڭ يەسىمەن بىرگە جەرلەۋ تۋرالى زاڭ جوباسى كەلىپ ءتۇستى.
جوبانى قارالىمعا بەرگەن فلاماند سوتسياليستىك پارتياسى، ءۇي حايۋاناتىن جاقسى كورەتىن ادامدارعا ونىمەن ماڭگى بىرگە بولۋ مۇمكىندىگىن ۇسىنادى. ەڭ باستى شارت - مىندەتتى كرەماتسيا. ۇسىنىلعان زاڭ جوباسىنا سايكەس كرەماتسيادان كەيىنگى كۇلدى ارالاستىرىپ ارنايى كولۋمباريگە قويادى.
بەلگيادا حايۋاناتتار قۇقىن قورعايتىن كەيبىر ۇيىمداردىڭ ايتۋىنشا، ۇيدەگى دوسىن قاتتى جاقسى كورەتىن ادامدار ولگەننەن كەيىن دە ونىمەن بىرگە بولعىسى كەلەدى. ەۋروپا ەلدەرىندە حايۋاناتتى تەك ارنايى ورىندارعا جەرلەۋگە عانا رۇقسات بەرىلگەن. ونىڭ باعاسى 100 دەن 600 ەۋرو ارالىعىندا، دەپ حابارلايدى euronews.
