نۇرسۇلتان نازاربايەۆ قازاقستاندىقتاردى روجدەستۆو مەرەكەسىمەن قۇتتىقتادى
ەلباسى روجدەستۆو مەيرامىمەن قازىرگى زاماننىڭ دانەكەرىنە اينالعان مەرەكە ەكەندىگىن اتاپ ءوتتى.
«ەلىمىزدىڭ بارشا پراۆوسلاۆ حريستياندارىن روجدەستۆو مەيرامىمەن شىن جۇرەكتەن قۇتتىقتايمىن!
بۇل جارقىن مەرەكە گۋمانيزمنىڭ، راقىمدىلىقتىڭ، مەيىرىمدىلىكتىڭ، جاقىنىنا دەگەن سۇيىسپەنشىلىك پەن قامقورلىقتىڭ مىزعىماس ءداستۇرى رەتىندە قازىرگى زاماننىڭ دانەكەرىنە اينالدى»، - دەدى ق ر پرەزيدەنتى.
مەملەكەت باسشىسى پراۆوسلاۆ حريستياندارى ەلىمىزدە بەيبىتشىلىك پەن كەلىسىمنىڭ ساقتالۋىنا زور ۇلەس قوسىپ كەلە جاتقانىنا توقتالا كەتتى.
«ازاماتتاردىڭ ءدىني سەزىمدەرىنە قۇرمەتپەن جانە ىقىلاسپەن قاراۋ مەملەكەتتىك ساياساتتىڭ ماڭىزدى قاعيدالارىنىڭ ءبىرى بولىپ تابىلادى. سونىڭ ارقاسىندا ءبىز ەلىمىزدە بەيبىتشىلىك پەن كەلىسىمدى ساقتاي الدىق، ەكونوميكا مەن قوعامدىق دامۋدا ايتارلىقتاي تابىستارعا قول جەتكىزدىك.
وسىنداي ايتۋلى كۇنى وتانىمىزدىڭ يگىلىگى جولىنداعى ادال ەڭبەكتەرىڭىز بەن يگى ىستەرىڭىز، ىزگى نيەتتەرىڭىز بەن جارقىن ويلارىڭىز ءۇشىن ريزاشىلىعىم مەن العىسىمدى بىلدىرەمىن»، - دەدى ن. نازاربايەۆ.
پرەزيدەنت مەرەكەدە ءار ۇيگە، ءاربىر قازاقستاندىققا اماندىق پەن مولشىلىق، سۇيىسپەنشىلىك پەن بەرەكە، بەيبىتشىلىك پەن باقىت تىلەدى.
