بايان ماقسات قىزى مەن بەلگىلى ءانشى «قوزى مەن بايان» تەلەحيكاياسى ءۇشىن داۋلاسىپ قالدى

 استانا. قازاقپارات - بايان ماقسات قىزى پروديۋسەرلىك ەتكەن «قوزى كورپەش- بايان سۇلۋ» تەلەحيكاياسى توڭىرەگىندەگى داۋ ءالى دە تولاستاماي تۇر.

كوپشىلىكتىڭ نارازىلىعىن تۋدىرعان تاريحي تۋىندىعا قاتىستى ءانشى مەرۋەرت تۇسىپبايەۆا بىرنەشە رەت پىكىر ءبىلدىرىپ، پروديۋسەردەن فيلم تۇسىرىلىمىنە جۇمسالعان اقشانى قايتارىپ بەرۋىن تالاپ ەتكەن ەدى. الايدا كوپشىلىكتىڭ پىكىرى شامىنا تيسە كەرەك، بايان ماقسات قىزىنىڭ ءوزى تەلەحيكايانى سىناعاندارعا جاۋاپ بەردى. ءتىپتى پروديۋسەر مەن مەرۋەرت تۇسىپبايەۆانىڭ اراسىندا داۋ تۋدى، دەپ حابارلايدى Stan.kz.

 ءانشى مەرۋەرت تۇسىپبايەۆانىڭ «قوزى كورپەش- بايان سۇلۋ» تەلەحيكاياسىنا قاتىستى ايتقان سىنىنا بايان الاگوزوۆا جاۋاپ بەرىپ، ءتۇسىرىلىم باستالماس بۇرىن ءانشىنىڭ فيلمدە ءرول سومداعىسى كەلگەنىن العا تارتتى.

 «مەرۋەرت، سەنىڭ ءبىزدىڭ كاستينگ ديرەكتورىمىزعا بىرنەشە رەت حابارلاسىپ، باياننىڭ اناسىنىڭ ءرولىن سومداپ، جاڭا جىلدىق قويىلىمنىڭ تۇسىرىلىمىنە شاقىرۋىمىزدى سۇراعانىڭدى ۇمىتىپ كەتىپپىن. سەنىڭ حيت اندەر ورىنداماعانىڭ ءۇشىن، فيلمدەردە جارقىن ءرول سومداماعانىڭ ءۇشىن كەشىرىم سۇرايمىن. سوندىقتان پروديۋسەر رەتىندە سەنىڭ جاقسى مامان ەكەنىڭ كۇمان كەلتىرەمىن. وعان قۇقىلىمىن. وسى تۇرعىدان العاندا، سەنىڭ رەنىشىڭنىڭ سەبەبى تۇسىنىكتى. اركىمگە وزىنە تيەسىلى بۇيىرادى. ودان دا جاقسى ءان تاۋىپ، ءوز فيلمىڭە پروديۋسەرلىك ەتىپ، ءوزىڭدى باستى رولگە بەكىت. ءوزىڭنىڭ بارىنەن ارتىق ەكەنىڭدى دالەلدە. ءبىراق ول تۋرالى ەشكىم دە بىلمەيدى» ، -  دەپ جازدى بايان ماقسات قىزى Instagram جەلىسىندەگى پاراقشاسىندا.

ءوز كەزەگىندە بايان الاگوزوۆانىڭ بۇل پىكىرىنە قاتىستى مەرۋەرت تۇسىپبايەۆا ءۇنسىز قالمادى. ءانشى اتالعان تەحەحيكايادا ءرول سومداۋدى ويلاماعانىن، تەك ساتايەۆتىڭ تۋىندىلارىندا بوي كورسەتكىسى كەلەتىنىن ايتتى.

«جالا جابۋ زاڭ جۇزىندە قاراستىرىلعان. سىزدەر نە تۋرالى ايتىپ تۇرسىزدار؟ دالەلدەڭىزدەر. مۇنداي وتىرىكتى كۇتپەپ ەدىم. تەلەحيكايانىڭ تۇسىرىلگەنىن بەيشەناليەۆتىڭ سۇحباتىنان ءبىلدىم. ول كەزدە تەلەحيكايا ءتۇسىرىلىپ قويعان. مەن ونىڭ ءنومىرىن دە بىلمەيمىن» ، - دەپ جاۋاپ بەردى مەرۋەرت تۇسىپبايەۆا Instagram پاراقشاسىندا.

سونداي- اق ءانشى زاڭعا باعىناتىن سالىق تولەۋشى رەتىندە بيۋدجەتتەگى قارجىنىڭ قايدا جۇمسالىپ جاتقانىن سۇراۋعا قاقىسى بار ەكەنىن ايتتى.

«زاڭعا باعىناتىن سالىق تولەۋشى رەتىندە بيۋدجەتتەگى قارجىنىڭ قايدا جۇمسالىپ جاتقانىن كەز- كەلگەن ادامنان سۇراۋعا قاقىم بار. ول بايان نە سايان بولسىن. ول مەنىڭ الدەكىمدى ۇناتپاۋىما بايلانىستى ەمەس. تەلەحيكايانى قازاقستان ەليتاسى سىنادى. سالدارىنان ەفيردەن الىپ تاستادى. ءبىز فيلم تۇسىرۋشىلەرمەن كەلىسسوزگە كەلۋگە دايىنبىز. كۇتەمىز. تاراپتاردىڭ شاعىمى اشىق ايتىلۋىن وتىنەمىن. داۋ ارقىلى اقيقاتتىڭ بەتى اشىلادى. بۇل «ابايلا، سيىر» ەمەس، ءبىزدىڭ حالقىمىزدىڭ تاريحى عوي. بايان، بيىك بول. ادامنىڭ قولىنان ءبارى كەلۋى مۇمكىن ەمەس. اششى سىندى قابىلداي ءبىل. مەنىڭ شىعارماشىلىعىما باعا بەرەتىن سەن ەمەس. سوكرات - مەنىڭ دوسىم، ءبىراق اقيقات قىمبات» ، - دەپ جازدى ءانشى مەرۋەرت تۇسىپبايەۆا.

ال تانىمال تۇلعالاردىڭ اراسىنداعى داۋعا قاتىستى جەلى قولدانۋشىلارىنىڭ پىكىرى قاق ءبولىندى. ءبىرى تەلەحيكايانىڭ ءتۇسىرىلىمى كوڭىلدەرىنەن شىقپاعانىن ايتىپ، مەرۋەرت تۇسىپبايەۆانى جاقتاسا، كەلەسىسى بايان الاگوزوۆانى جاقتاپ الەك.