مايك تايسون ەمدىك ماريحۋانا ءوسىرۋدى قولعا الماق

 استانا. قازاقپارات - تانىمال سپورتشى، بوكستان بۇرىنعى ءابسوليۋتتى الەم چەمپيونى مايك تايسون ماريحۋانا ءوسىرىپ، كاسىپ اشپاق.

سپورتشىنىڭ بۇل ءىسىن قولداپ، وسى سالاداعى كاسىپكەرلەر روبەرت حيكمان مەن دجەي ستروممەن سەرىكتەسى اتاندى.

ت ا س س- تىڭ حابارلاۋىنشا، كاننابيس ەسىرتكىسى كاليفورنيا- سيتي قالاسىنىڭ ماڭىنداعى اۋماعى 16 گەكتاردان اساتىن «تايسوننىڭ رانچوسىندا» وسىرىلەتىن بولادى.

ونىڭ رانچوسىنىڭ اۋماعىندا ماريحۋانا ءوسىرۋدىڭ ادىستەرىنە ۇيرەتەتىن مەكتەپ پەن بۇل وسىمدىكتىڭ دارىلىك قاسيەتتەرىن زەرتتەيتىن ورتالىق اشىلۋى مۇمكىن.

ايتا كەتەيىك، بىلعارى قولعاپ شەبەرى ءوزىنىڭ سپورتتىق مانسابىن 2005 -جىلى اياقتاعان ەدى. مايك تايسون سالماق دارەجەسىنە قاراماستان، تاريحتاعى ەڭ مىقتى بوكسشىلاردىڭ ءبىرى بولىپ تابىلادى.

Stan.kz