قازاقستاندا كولىك قۇرالدارىن تىركەۋدىڭ ەرەجەلەرى وزگەردى
«مەملەكەتتىك ءنومىردى قايتا الۋ كەزىندە 30 كۇننىڭ ىشىندە قايتادان باج سالىعىن تولەمەۋ ءۇشىن، (2018-جىلدان باستاپ جىل سايىنعى ا ە ك كولەمىنىڭ وسۋىنە بايلانىستى 6798 تەڭگە) اگەنتتىكتىڭ نۇسقاۋىمەن سالىق كودەكسىنە وزگەرتۋلەرمەن تولىقتىرۋلار ەنگىزىلدى. جاڭا ەرەجە اعىمداعى جىلدان باستاپ جۇمىس ىستەيدى»، - دەپ جازىلعان ۆەدومستۆونىڭ فەيسبۋكتەگى پاراقشاسىندا.
ۆەدومستۆو تۇسىندىرۋىنشە، بۇرىن ازاماتتار اۆتوكولىگىن ەسەپتەن شىعارعان كەزدە جاڭادان تىركەلگەن كولىكتە ەسكى مەملەكەتتىك ءنومىرىن قالدىرۋ ءۇشىن 2,8 ا ە ك كولەمىندە باج سالىعىن قايتا تولەيتىن. بۇل تالاپ ارنايى ح ق و نەمەسە ىشكى ىستەر مينيسترلىگىنىڭ تىركەۋ جانە ەمتيحان الۋ بولىمشەلەرىندە بولعان كەزدە دە قويىلاتىن.
ءبىر جىلدا ورتاشا ەسەپپەن 11 مىڭعا جۋىق ازامات مەملەكەتتىك ءنومىردى ساقتاۋعا ءوتىنىم بەرەدى، بۇل اۆتوكولىك قۇرالدارىنا 63 ميلليون تەڭگەدەن اساتىن مەملەكەتتىك باج سالىعىنا تەڭ.
سونىمەن قاتار جوعالعان نەمەسە ىسكە جارامسىز اۆتوموبيل نومىرىنە مىندەتتى تۇردە الدىڭعى جانە ارتقى نومىرگە (2 بىرلىك) مەملەكەتتىك باج سالىعىن تولەۋ قاجەت بولاتىن، نەمەسە كولىكتى قايتا تىركەۋ مىندەتتەلەتىن.
مىسال كەلتىرە كەتسەك، مەملەكەتتىك نومىرلەردىڭ دۋبليكاتىن جاساۋ ءۇشىن ورتاشا ەسەپپەن جىلىنا 1,9 مىڭ ازامات 11 ميلليون تەڭگەدەن استام قارجىعا ءوتىنىش بەرەدى ەكەن.
«قوسىمشا شىعىنداردى بولدىرماۋ ءۇشىن، جاڭا سالىق كودەكسىنە سايكەس اۆتوكولىك يەلەرىنە مەملەكەتتىك نومىرگە 6798 تەڭگەنىڭ ورنىنا 3399 تەڭگەگە ءوتىنىم بەرۋ مۇمكىندىگى قاراستىرىلدى»، - دەلىنگەن اگەنتتىك حابارلاماسىندا.
