قازاقستاننىڭ باسىم بولىگىندە كۇن اشىق بولادى

استانا. قازاقپارات - «قازگيدرومەت» ر م ك 4- قاڭتارعا ارنالعان اۋا رايى بولجامىن ۇسىنادى، دەپ حابارلايدى قازاقپارات.

رەسپۋبليكانىڭ باسىم بولىگىندە جاۋىن-شاشىنسىز اۋا رايى ساقتالادى. تەك رەسپۋبليكانىڭ وڭتۇستىگىندە اتموسفەرالىق اۋا اعىنداردىڭ وتۋىنە بايلانىستى جاۋىن-شاشىن جاۋادى. كەي جەرلەرىندە كوكتايعاق، تۇمان، جەلدىڭ كۇشەيۋى كۇتىلەدى.

وڭتۇستىك قازاقستان،  قىزىلوردا، الماتى وبلىستارىنىڭ كەي جەرلەرىندە تۇمان، كوكتايعاق، جەلدىڭ كۇشەيۋى 15-20, ەكپىنى 23-28 م/س كۇتىلەدى.

قاراعاندى وبلىسىنىڭ كەي جەرلەرىندە تۇمان كۇتىلەدى، جەلدىڭ كۇشەيۋى 15-20 م/س جەتەدى، ەكپىنى 23-28 م/س جەتۋى ىقتيمال.

جامبىل، اقمولا، ماڭعىستاۋ، باتىس قازاقستان، قوستاناي، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان تۇسەدى.