زيمبابۆەدە قولتىراۋىندار تۋريستى ءولتىردى
بۇل تۋرالى جەرگىلىكتى The Herald گازەتى جازدى، دەپ حابارلايدى lenta.ru باسىلىمى.
وقيعا 31 - جەلتوقساندا بولعان. ساياحاتشى ەر ادام ايەلىمەن بىرگە ۇرلەنگەن قايىقپەن ساياباقتىڭ سۋ قويماسىن ارالاپ جۇرگەن. سول كەزدە ولارعا قولتىراۋىندار شابىل جاسايدى.
«دجون بوۋمان جانە روزماري ميتچەلل ەلدەگى ماتوبو ۇلتتىق ساياباعىنداعى مپوپوما سۋ قويماسىندا جۇرگەندە قولتىراۋىندار شابۋىل جاسادى. ەكەۋىن دە بۋلاۆايو جەدەل اۋرۋحاناسىنا الىپ كەتتى. ءبىراق بوۋمان جولدا قايتىس بولدى. ميتچەلل قاتتى جاراقات سالدارىنان ينتەنسيۆتى تەراپيا بولىمشەسىندە جاتىر» ، - دەدى ساياباق وكىلى تيناشە فاراۆو (Tinashe Farawo) .
جۇپ ارىپتەستەرىمەن بىرگە ساياحاتتاپ جۇرگەن. قاي ەلدىڭ ازاماتتارى ەكەنى انىقتالىپ جاتىر. ولار پايدالانۋعا تىيىم سالىنعان قايىقتى ءمىنىپ كەتكەن.
ساياباق قىزمەتكەرلەرى تۋريستەردى قاۋىپتى جانۋارلارعا جاقىنداماۋعا شاقىردى.
