ترامپ: ا ق ش- تىڭ «يادرولىق تۇيمەشەسى» پحەنياندىكىنەن الدەقايدا ۇلكەن
بۇل تۋرالى ول سولتۇستىك كورەيا باسشىسى كيم چەن ىننىڭ جاڭا جىلدا حالىققا ارناعان ۇندەۋىندە ۇستەلىندە «يادرولىق تۇيمەشەسى» بارىن جانە سولتۇستىك كورەيانىڭ «ا ق ش- تىڭ كەز- كەلگەن جەرىنە جەتەتىن قارۋعا يە ەكەنىن» مالىمدەگەنىنە جاۋاپ رەتىندە ايتتى. ءبىراق كيم چەن ىن قارۋدى پحەنياننىڭ قاۋىپسىزدەگەن قاتەر تونگەن جاعدايدا عانا پايدالاناتىنىن ەسكەرتكەن.
«بۇل - قوقان- لوقى ەمەس، راس نارسە» دەگەن كيم چەن ىن پحەنيان كەلەسى ايدا وڭتۇستىك كورەيادا وتەتىن قىسقى وليمپيادا ويىندارىنا قاتىسۋعا ىنتالى ەكەنىن ايتىپ، بۇل باعىتتا وڭتۇستىك كورەيانى كەلىسسوزدى قايتا باستاۋعا شاقىرعان.
ترامپ ەكى ەل اراسىندا قانداي دا ءبىر كەلىسسوزدىڭ قايتا باستالاتىنىنا كۇمانداناتىنىن ايتتى. ءبىراق وڭتۇستىك كورەيا پحەنيانمەن جوعارى دەڭگەيدەگى كەزدەسۋدى 9 - قاڭتاردا وتكىزۋدى ۇسىندى.
www.azattyq.org
