14:25, 03 - قاڭتار 2018 | GMT +6
عالىمدار ەرلەرگە قانداي ايەلدەر كوبىرەك ۇنايتىنىن انىقتادى
استانا. قازاقپارات - ميننەسوتا شتاتىنداعى اۋگسبۋرگ ۋنيۆەرسيتەتىنىڭ عالىمدارى ەرلەرگە قانداي ايەلدەر كوبىرەك ۇنايتىنىن زەرتتەدى.
بۇل تۋرالى Daily Mail حابارلادى.
ناتيجەسىندە، ەرلەرگە قارا شاشتى ايەلدەردەن گورى شاشىنىڭ ءتۇسى سارى ايەلدەر كوبىرەك ۇنايتىنىن كورسەتتى.
زەرتتەۋشىلەر 110 ەر ادامعا ارقاسىمەن قاراپ تۇسكەن شاشتارى سارى جانە قارا ءتۇستى ايەلدەردىڭ سۋرەتتەرىن كورسەتكەن. ەرلەردىڭ كوبى سارى شاشتى ايەلدەردى تارتىمدىراق دەپ تاپقان.
عالىمدار مۇنى جاس وتكەن سايىن شاشتىڭ ءتۇسى كۇڭگىرتتەنە تۇسەتىندىكتەن، شاشتارىنىڭ ءتۇسى اشىق ايەلدەر جاسىراق كورىنەتىندىگىمەن ءتۇسىندىردى.
دەگەنمەن ەرلەردىڭ باسىم بولىگى وتباسىن قۇرۋ ءۇشىن شاشىنىڭ ءتۇسى قارا نەمەسە قوڭىر ايەلدەردى تاڭدايتىنىن ايتادى. ەرلەردىڭ ويىنشا، شاشىنىڭ ءتۇسى سارى ايەلدەردىڭ مىنەزى جەڭىلتەك كەلەدى.
