قايرات نۇرتاستىڭ جارى: ەنە ينستيتۋتىن تەرلەپ-تەپشىپ ۇزدىك ءبىتىردىم
جۇلدىزدى كەلىن ەنە ينستيتۋتىن ۇزدىك ءبىتىرىپتى. بۇل تۋرالى اكتريسا جەلىدەگى پاراقشاسىندا جازدى.
«مەنىڭ ەنەمنىڭ، كەلىن تاربيەلەۋىندە وزىندىك ءستيلى مەن ۇستانىمى بار. ءوزىم اتا-ەنە قولىندا 5-6 جىل تۇردىم، ءپىستىم دەسەم بولادى. ورامال تاعىپ، سالەمىمدى سالىپ، تاڭەرتەڭ ەرتە تۇردىم (ەسىك الدىن سىپىردىم دەمەيمىن). ءبىراق ىستىق نانىمدى كۇندە تاڭدا پىسىرەتىنمىن. ۇرپاق اكەلىپ، انا اتاندىم. جالپى قانداي جاعداي بولماسىن اتا-ەنەمنىڭ ايتقانىن جەرگە تاستاماۋعا تىرساتىنمىن، ودان جامان بولعان ەمەسپىن قايتا قاتەلىكتەرىمدى تۇزەدىم. ۇزىن-ءسوزدىڭ قىسقاسى ەنە ينستيتۋتىن تەرلەپ-تەپشىپ، ۇزدىك ءبىتىردىم.
سودان سوڭ، ءبىزدى جەكە وتباسى بولۋىمىزعا سەنىمدى بولعاندىقتان بولار، اتا-انامىز ەنشىمىزدى ءبولىپ بەردى. ونىڭ ءوزى ءبىز ءۇشىن ۇلكەن جاۋاپكەرشىلىككە اينالدى. ءبىراق ءالى كۇنگە دەيىن، ءبىر شاڭىراقتىڭ استىندا تۇراتىن سياقتىمىز. كوبىنە داستارحان باسىندا بىرىگىپ تۇرامىز. قازىرگى تاڭدا ەنەم ەمەس، انامداي بولىپ كەتكەن.
مەن وزىمە ەنەمنىڭ ەرەكشە قاسيەتتەرىن (بولاشاق ەنەگە) ءتۇرتىپ الدىم. ەڭ باستىسى قاتاڭدىقپەن ەمەس دانالىقپەن تاربيەلەۋى، كىنالايتىن ەمەس ۇيرەتۋى، وزگەنىڭ كوزىنشە باعالاۋ، ۇلىن ەمەس كەلىنىن قورعاشتاۋ، باسقانىڭ كەلىنىمەن سالىستىرىپ، كەمىستپەۋى، ۇيدەگى اڭگىمەنى سىرتقا شىعارماۋى، ءالى دە ۇيرەنىپ، تۇيەتىنىم كوپ...
ەنە مەن كەلىن تاتۋلىعىنا - اۋلەتتىك ەستافەتانى ءبىر-بىرىنە دۇرىس ۇسىنۋى، وتباسى قۇندىلىعىن ساقتاپ قالۋعا كوپ سەپتىگىن تيگىزەدى دەگەن ويدامىن. نەگىزىندە، تاريحقا جۇگىنسەك، قازاقتىڭ ءداستۇرلى وتباسىندا ەنە مەن كەلىن اراسىنداعى قارىم- قاتىناستا ەشقانداي قيىندىق بولعان ەمەس دەپ ويلايمىن. سەبەبى، ەكى اراداعى كەلىسپەۋشىلكتەر جايلى شەشەندىك ءسوز كەزدەسپەيدى. قازىرگى قوعامدا ەنەنى سىيلاماۋ، مىسقىلداۋ يدەياسى (انەكدوتتار) - ورىستىڭ سالتىنان، ەۋروپانىڭ ستيلىنەن ەنىپ جاتىر.
مەنىڭشە سول ەلدەردەردىڭ - بەزبۇيرەك، ۇياتسىز، ارسىز پسيحولوگياسى. بۇل ءبىزدىڭ مەنتاليتەتكە مۇلدەم كەلمەيدى جانە كىرگىزبەۋ كەرەك! سەبەبى، پاراساتتى، قانى قازاق ەر ازاماتى اناسىنا ەڭ ۇلكەن قۇرمەتتىڭ كورسەتىلگەنىن قالايدى.
كەلىندەردىڭ ەنەسىنە جاساعان ءاربىر ارەكەتى ءوزىنىڭ ەنەلىك ءومىرىنىڭ كىرپىشى. ەگەر دە، جاقسى كەلىنگە قول جەتكىزگىسى كەلگەن ايەل ءوز ەنەسىنە قولىنان كەلگەن قۇرمەتتى اياماۋ كەرەكتىگىن ءتۇسىنۋ قاجەت. ءار-ءبىر كەلىن ەنەگە قاراپ وي تۇزەپ، بويىن تۇزەيدى» - دەيدى جۇلدىز.
دەرەككوز: Reactor
