08:22, 03 - قاڭتار 2018 | GMT +5
قابىلان ەر ادامدى تالاپ ءولتىردى
استانا. قازاقپارات - ماسكەۋ ماڭىنداعى يسترينسكي اۋدانىندا قابىلان ەر ادامدى تالاپ ءولتىردى.
بۇل تۋرالى رەسەيلىك ت ا س س اگەنتتىگى ماسكەۋ وبلىسىنىڭ ءى ءى م قالالىق باسقارماسىنا سىلتەمە جاساپ حابارلايدى.
«وبنوۆلەننىي ترۋد كەنتىندە جىرتقىش ەر ادامدى تالاپ ءولتىردى»، - دەپ ءمالىم ەتكەن باسپا ءسوز قىزمەتى.
ت ا س س- تىڭ قۇقىق قورعاۋ ورگاندارىنداعى اقپارات بەرۋشىسىنىڭ ايتۋىنشا، جەكە مەنشىك حايۋاناتتار باعىنىڭ بىرىندەگى قابىلان تەمىر تورعا جىرتقىشتى تاماقتاندىرۋ ءۇشىن كىرگەن قىزمەتشىگە تارپا باس سالعان.
جىرتقىش ادامعا ۇمتىلىپ، ونىڭ موينىنان تىستەگەن. بۇدان كەيىن قابىلان توردان شىعىپ قاشىپ كەتكەن. الايدا بىرنەشە ساعاتتان سوڭ ول ۇستالىپ ۆولەرگە قامالدى.
قازىر وقىس وقيعاعا قاتىستى تەرگەۋ جۇرگىزىلىپ جاتىر.
