07:21, 03 - قاڭتار 2018 | GMT +5
توكيو وتەتىن وليمپيادا كەزىندە ادام كەلبەتىن تانيتىن جۇيە قولدانىلادى
استانا. قازاقپارات - 2020-جىلى جازعى وليمپيادا جانە پاراليمپيادا ويىندارى كەزىندە جاپونيا ۇكىمەتى ويىن الاڭدارىنا سپورتشىلاردى، جۋرناليستەردى جانە رەسمي تۇلعالاردى كىرگىزۋ ءۇشىن ادام كەلبەتىن انىقتايتىن جۇيەنى قولدانادى، دەپ حابارلايدى The Japan Times.
كامەرالار قاراپايىم كورەرمەندەردىڭ كەلبەتتەرىن تۇسىرمەيدى، دەپ جازادى باسىلىم ءوزىنىڭ دەرەك بەرۋ كوزدەرىنە سىلتەمە جاساي وتىرىپ.
NEC كومپانياسى جاساپ شىققان جۇيە 2016-جىلعى ريو وليمپياداسى كەزىندە سىناقتان وتكىزىلگەن. ونى «جاپوندار ۇيىنە» تىركەلگەن جۋرناليستەرگە رۇقساتناما بەرۋگە قولدانعان. جاقىندا وسى جۇيەنى توكيوداعى حانەد اۋەجايى ءتول قۇجات تەكسەرۋدى جىلدام ءوتۋ ءۇشىن پايدالانا باستاعان.
توكيودا وتەتىن جازعى وليمپيادا جانە پاراليمپيادا ويىندارى كەزىندە اتالمىش جۇيە 40 قا جۋىق نىسانعا ورناتىلادى. ول 300-400 مىڭداي ادامنىڭ بەت الپەتىن سكانەرلەيدى دەپ كۇتىلۋدە.
