تۇركىمەنستاندا قازاقتار سانى ازايىپ كەلەدى

استانا. قازاقپارات - 1990 -جىلدارى 120 مىڭنان استام قازاق تۇراتىن تۇركىمەنستاندا بۇگىنگى كۇنى 20 مىڭعا جەتەر- جەتپەس قانداسىمىز قالعان، دەپ حابارلايدى Baq.kz اقپارات اگەنتتىگى.

قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆتىڭ سوزىنە قاراعاندا تۇركىمەنستانداعى قازاقتار سانىنىڭ بۇلايشا ازايۋىنىڭ وزىندىك سەبەپتەرى بار.

«بۇل سول ەلدەگى ەتنيكالىق قازاقتاردىڭ اتاجۇرتىنا كوپتەپ كەلىپ جاتقانىنىڭ بەلگىسى. بىزدەگى قولدا بار ستاتيستيكالىق مالىمەتتەرگە قاراعاندا قازىرگى تاڭدا تۇركىمەنستاندا 20 مىڭعا جەتەر-جەتپەس قانداسىمىز قالىپتى. مىسالى 1990 -جىلدارى ولاردىڭ سانى 120 مىڭنان كوپ بولاتىن. وندا تۇراتىن ەتنيكالىق قازاقتاردىڭ كوبى تۇركىمەنستان ازاماتى. ال ەلىمىزدىڭ ماڭعىستاۋ وبلىسى اۋماعىندا 3000-عا جۋىق ەتنيكالىق تۇركىمەندەر ءومىر ءسۇرىپ جاتىر» - دەيدى مينيستر.