بيىلعى جىلدىڭ ءتيىمدى اقشالارى انىقتالدى

استانا. قازاقپارات - Bloomberg اگەنتتىگى 2017 -جىلداعى ەڭ ءتيىمدى ۆاليۋتالار ءتىزىمىن جاريالادى، دەپ حابارلايدى قازاقپارات.

اگەنتتىكتىڭ زەرتتەۋىنە قاراعاندا، ءوتىپ بارا جاتقان جىل ىشىندەگى ەڭ ءتيىمدى ۆاليۋتا - موزامبيكس مەتيكالى بولىپ تانىلدى. اتالعان ۆاليۋتا ا ق ش دوللارىنا شاققاندا %21 كە كۇشەيگەن. سونداي-اق، ەڭ ءتيىمدى ۆاليۋتالار قاتارىنا چەح كروناسى مەن پولياك زلوتىي(%18+)، سەربيالىق دينار (%17,5+) كىرگەن.

2017 -جىل ىشىندە وزبەك سومى مەن كونگو، سەررا- لەونە، ەفيوپيا جانە نيگەريا سىندى ەلدەردىڭ ۇلتتىق ۆاليۋتالارى %60 قۇنسىزدانعان.

Bloomberg ءوتىپ بارا جاتقان جىل كريپتوۆاليۋتا يەلەرى ءۇشىن بيتكويننىڭ %1500 كە دەيىن وسۋىنە بايلانىستى بارىنشا تابىستى بولعانىن ايتتى.