بارسەلونادا دوپ تەۋىپ جۇرگەن قازاق بالاسى كىم

استانا. قازاقپارات - بارسەلونادا دوپ تەۋىپ جۇرگەن قازاق بالاسى لا ليگادا قالۋدى ارماندايدى، دەپ حابارلايدى قازاقپارات استانا فۋتبول فەدەراتسياسىنا سىلتەمە جاساپ.

«جامبىل قايىربەك. بۇگىندە بارسەلوناداعى «Fundacion Marcet» فۋتبول مەكتەبىندە ءتالىم الىپ ءجۇر. كەلەسى جىلى يسپانيانىڭ «ەسپانول» فۋتبول كلۋبىنىڭ وقۋ-جاتتىعۋ جيىنىنا قاتىسپاق. ياعني، الداعى ءبىر- ەكى ماۋسىمدا قازاقتىڭ قارادومالاق بالاسىن لا ليگادان كورىپ قالۋىمىز ابدەن مۇمكىن»، - دەپ جازىلعان فەدەراتسيانىڭ رەسمي سايتىندا جاريالانعان ماقالادا

1996 -جىلى تۋعان جامبىلدىڭ يسپانيادان ورالعانىنا ءبىر اپتاعا جۋىقتاپتى.

«قىركۇيەك ايىنان بەرى بارسەلونادامىن. «Fundacion Marcet» فۋتبول مەكتەبىندە جاتتىعىپ ءجۇرمىن»، - دەدى جامبىل قايىربەك.

ونىڭ ايتۋىنا قاراعاندا، «Fundacion Marcet» يسپانياداعى ەڭ مىقتى فۋتبول مەكتەپتەرىنىڭ ءبىرى.

«ول جاقتا چەمپيونات ەرتە باستالىپ قويعاندىقتان، فيتچا الىپ ۇلگەرمەدىم. وسى كۇنگە دەيىن تەك جولداستىق كەزدەسۋلەردە عانا الاڭعا شىعىپ ءجۇردىم. بالكىم، جاڭا جىلدان كەيىن فيتچا الىپ، رەسمي ويىندارعا شىعا باستايتىن شىعارمىن»، - دەيدى سپورتشى.