ترانس قازاقستاندىق «قىتاي-يران» پويىزى جولعا شىقتى
پويىزدىڭ جولعا شىعۋىنا وراي «قازاقستان تەمىر جولى» ۇ ك» ا ق مەن «Hunan Xiangou Express Co. Ltd.» كومپانيالارىنىڭ اراسىندا «قىتاي (چانشا) - قازاقستان - تۇرىكمەنستان - يران» تۇراقتى تەمىرجول جەلىسىن دامىتۋ بويىنشا ىنتىماقتاستىق ورناتۋ جونىندە مەموراندۋمعا قول قويىلدى.
اتالمىش قۇجات چانشا، الماتى، اشحاباد جانە تەگەران قالالارىندا ساۋدا-لوگيستيكالىق ورتالىقتاردى قۇرىپ، كادر الماسىپ، ينفراقۇرىلىم سالۋ ماسەلەلەرىن قاراستىرادى.
«بۇگىنگى تاڭدا «قازاقستان تەمىر جولى» ۇ ك قىتايدىڭ 17 پروۆينتسياسى مەن ۆەتنام، كورەيا، ەۋروپا، كاۆكاز بەن پارسى شىعاناعى ەلدەرىندە جۇمىس ىستەيدى. سونداي-اق كومپانيا جۇكتەردى جەتكىزۋ مەرزىمىن نازارعا الا وتىرىپ، تۇراقتى كونتەينەرلىك پويىزداردى جۇمىسىن ۇيىمداستىرۋ شارالارىن بەلسەندى جۇزەگە اسىرۋدا. وسىلايشا، قىتاي پروۆينتسيالارىنان ەۋروپا ەلدەرىنە تاۋار 9 دان 15 كۇن ىشىندە، ورتالىق ازيا ەلدەرى مەن رەسەيگە ورتاشا العاندا 6-8 كۇندە جەتكىزەدى. قازىرگى تاڭدا ق ت ج قىتاي مەن ەۋروپا اراسىنداعى 15 ترانزيتتىك باعىتقا قىزمەت كورسەتەدى. بۇل رەتتە تاسىمالعا دەگەن تاريفتەر ءبىر كونتەينەر ءۇشىن 0,55 دوللاردى (2016-جىلى 071 دوللار) قۇرايدى. بولاشاقتا ول 0,44 دوللارعا جەتۋى مۇمكىن»، - دەدى پويىزدى شىعارىپ سالۋ سالتاناتى بارىسىندا «ق ت ج- جۇك تاسىمالى» ا ق- نىڭ ق ح ر مەن وڭتۇستىك-شىعىس ازيا ەلدەرىندەگى وكىلدىگىنىڭ جەتەكشىسى ەرىك اۋباكىروۆ.
