شەتەلدىكتەر قازاقستان سپۋتنيكتەرىنىڭ قىزمەتىنە جۇگىنە باستادى
بۇل تۋرالى استاناداعى ۇلتتىق عارىش ورتالىعىندا قر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ ءمالىم ەتتى، دەپ حابارلايدى «قازاقپارات» ح اء ا ءتىلشىسى.
ق ر پارلامەنتى سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەلەرى استانانىڭ ىرگەسىندە تۇرعىزىلىپ جاتقان ۇلتتىق عارىش ورتالىعىندا بولىپ، اتقارىلىپ جاتقان جۇمىستارمەن تانىستى. كوميتەت مۇشەلەرى ورتالىقتا تاجىريبەلىك ءوندىرىسى بار عارىشتىق تەحنيكانى ارنايى قۇراستىرۋشىلىق- تەحنولوگيالىق بيۋروسىنىڭ جۇمىسىن تەكسەردى.
سەناتورلارعا ورتالىقتىڭ جۇمىسىن بايان ەتكەن ق ر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ سوڭعى جىلدارى قازاقستاننىڭ عارىش سپۋتنيكتەرىنە ءار ءتۇرلى مەملەكەتتەر قىزىعۋشىلىق تانىتىپ جاتقانىن اتاپ ءوتتى.
«بۇل 750 شاقىرىمنان تۇسىرىلگەن كەسكىن، - دەدى بەيبىت اتامقۇلوۆ. - وسى كەسكىندى ءتۇسىرىپ تۇرعان ەكى سپۋتنيك حالىق شارۋاشىلىعىندا دا، ۇلتتىق قاۋىپسىزدىك باعىتىندا دا قولدانىلادى. ءبىز وسى سپۋتنيكتەر ارقىلى 28 ميلليون گەكتار اۋماقتىڭ كەسكىنىن مەملەكەتتىك ورگاندارعا قايتارىمسىز بەرىپ وتىرمىز.
ءمينيستردىڭ سوزىنە قاراعاندا، كورشىلەس ەلدەرمەن اتالعان باعىتتا بايلانىس نىعايا تۇسكەن. قىرعىزستان، وزبەكستان، تاجىكستان، تۇركىمەنستان، اۋعانستان ەلدەرىنە بۇگىنگى تاڭدا قازاقستاندىق سپۋتنيكتەن تۇسىرىلەتىن كەسكىندەر ۇسىنىلىپ وتىر.
«وسى ەلدەردىڭ ىشىندە اۋعانستان ءبىزدىڭ سپۋتنيكتەرگە ەرەكشە قىزىعۋشىلىعىن بىلدىرۋدە. كورشىلەردىڭ ىشىندە تۇركىمەنستان ءبىزدىڭ سپۋتنيكتەردىڭ كەسكىنىنە تاپسىرىس بەردى. قازاقستاندىق ۇلتتتىق عارىش ورتالىعى Airbus كومپانياسىمەن بىرگە كونكۋرسقا قاتىسۋدى كوزدەۋدەمىز. وزبەكستاندا تەلەكوممۋنيكاتسيالىق سپۋتنيك جوق. ءبىز ولارعا بايلانىس قىزمەتىن ۇسىندىق. اۋعانستانمەن بىرلەسە جۇمىس اتقارۋ بويىنشا ۇلكەن ءۇمىت بار» ، - دەيدى مينيستر.
سپۋتنيكتەر توبىنداعى ەلدەرمەن جۇمىستار قارقىندى ءجۇرىپ جاتىر. بۇل باعىتتا ب ا ءا، كانادا، جاپونيا، وڭتۇستىك كورەيا، قىتاي ەلدەرى بىزگە قىزىعىپ وتىر.
«جۋىقتا مەن فرانسيانىڭ سىرتقى ىستەر مينيسترلىگى مەن قورعانىس مينيسترلىگىنىڭ وكىلدەرىمەن كەزدەسىپ، سپۋتنيكتەردى قولدانۋعا رۇقسات الدىق. دەمەك، ەۋروپا بويىنشا اسكەري نىسانداردان باسقا شەكتەۋ شارالارى الىنىپ تاستالدى. چيلي جانە پەرۋمەن جۇمىس اتقارماقپىز، سەبەبى ولاردىڭ دا ءبىزدىڭ سپۋتنيكتەردىڭ كەسكىنىنە قىزىعۋشىلىعى زور» ، - دەيدى اتامقۇلوۆ.
