تۇركيالىق جاستار قازاق ءتىلىن ۇيرەنۋدە
اتالعان ءپاندى ەنگىزۋدەگى باستى ماقسات - قازاقستاننىڭ ءتىلىن جانە مادەنيەتىن بىلەتىن زەرتتەۋشىلەر مەن كەلەشەك ديپلوماتتارىن تاربيەلەۋ بولىپ وتىر. جاقىندا گيرەسۋن ۋنيۆەرسيتەتىندە ۇيىمداستىرىلعان باعدارلاماعا تۇركياداعى ق ر ەلشىسى ابزال ساپاربەك ۇلى ارنايى قاتىسىپ، قازاق ءتىلىن ۇيرەنىپ جۇرگەن تۇركيالىق جاستارعا قازاق تىلىنەن ءدارىس وقىدى. قازاق ءتىلى ءپانىن باعدارلاماعا پروفەسسور، دوكتور نۇرسۇلۋ چەتين ەنگىزگەن. ول وسى پاننەن ستۋدەنتتەرگە ءدارىس وقىپ ءجۇر.
ن. چەتين تۇرىك مادەنيەتىنەن جان- جاقتى حابارى بار جانە تۇرىك ءتىلىن تولىق مەڭگەرگەن ديپلوماتتىڭ تۇركياعا ەلشى بولىپ تاعايىندالۋى قازاق حالقى مەن ەلباسى نۇرسۇلتان نازاربايەۆتىڭ تۇركيا ەلىنە كورسەتكەن قۇرمەتى ەكەنىن ايتىپ ءوتتى.
ء«بىز وسى باعدارلاما مەن ءپاندى ەنگىزە وتىرىپ، كەلەشەك زەرتتەۋشىلەر مەن ديپلوماتتارعا قازاق ءتىلى مەن قازاق مادەنيەتىن ۇيرەتىپ، كەلەشەكتە قازاق- تۇرىك بايلانىستارىنىڭ دامۋىنا سەپتىگىن تيگىزەتىن ساپالى مامان دايارلاۋدى ماقسات ەتەمىز» ، - دەدى پروفەسسور نۇرسۇلۋ چەتين.
ستۋدەنتتەردىڭ قازاقستان تۋرالى ويلارىن تىڭداعان ەلشى ابزال ساپاربەك ۇلى تۇركيادا قازاق ءتىلى ساباعىنىڭ وقىتىلۋى ونى ۇلكەن قۋانىشقا بولەگەنىن، وسىنداي شارالارعا ءاردايىم قولداۋ كورسەتەتىنىن جانە ۇيىمداستىرىلۋى ءۇشىن جاردەم بەرەتىنىن ايتتى.
قازاق ءتىلى ساباعىنان كەيىن گيرەسۋندە ءبىلىم الىپ جاتقان قازاقستاندىق ستۋدەنتتەرمەن كەزدەسكەن ەلشى ستۋدەنتتەردىڭ وتىنىشتەرى مەن تالاپتارىن تىڭدادى.
