شەتەلدەگى قازاق دياسپورالارىمەن بايلانىستى كۇشەيتۋ كەرەك - اشىمبايەۆ

استانا. قازاقپارات -  ق ر پارلامەنتى ءماجىلىسىنىڭ ۇكىمەت ساعاتىندا دەپۋتات ماۋلەن اشىمبايەۆ باسقا ەلدەردە تۇرىپ جاتقان قازاق دياسپورالارىمەن ءوزارا قارىم-قاتىناستى نىعايتىپ، ولارعا ءتيىستى كومەك كورسەتۋ قاجەت ەكەنىن ايتتى.

بۇگىنگى ماجىلىستەگى ۇكىمەت ساعاتىندا قازاقستاننىڭ ازيا باعىتىنداعى سىرتقى ساياسات ماسەلەسى تالقىلاندى. اتالعان تاقىرىپ بويىنشا باياندامانى سىرتقى ىستەر ءمينيسترى قايرات ءابدىراحمانوۆ جاسادى.

كەيىن دەپۋتات ماۋلەن اشىمبايەۆ باسقا مەملەكەتتەردە تۇرىپ جاتقان قازاق دياسپورالارىنا نازار اۋدارۋ قاجەت ەكەنىن ايتتى. ونىڭ پىكىرىنشە، قازاقستاننىڭ شەتەلدەگى ەلشىلىكتەرى وسى ماسەلە بويىنشا ءتيىستى جۇمىستاردى قولعا الۋى كەرەك.

«باسقا ەلدەردەگى قازاق دياسپورالارىمەن بايلانىستى كۇشەيتۋ كەرەك. ءبىرقاتار ازيا ەلىندە قازاق دياسپورالارى تۇرىپ جاتىر. ولار ۇزاق جىلدار بويى ءبىزدىڭ ءتىلىمىزدى، سالت-ءداستۇرىمىزدى ساقتاپ وتىر. وسىعان بايلانىستى شەتەلدەگى ەلشىلىكتەردىڭ باستى مىندەتى - قازاق دياسپورالارىمەن ءوزارا قارىم- قاتىناستى نىعايتىپ، ولارعا قازاقستانمەن مادەني جانە گۋمانيتارلىق بايلانىستى ساقتاۋعا كومەكتەسۋ. قانداستارىمىزدىڭ مالىمەتىنە سايكەس، جوعارىدا اتالعان جۇمىستار جۇيەلى جانە ءتيىستى دەڭگەيدە جۇرگىزىلمەيدى»، - دەدى ول.

سونىمەن قاتار دەپۋتات شەتەلدەگى قازاق جاستارىنىڭ ەلىمىزدە جوعارى ءبىلىم الۋىنا دا جاعداي جاساۋ قاجەتتىگىن اتاپ ءوتتى.

«شەتەلدەگى قازاق جاستارىنا وتاندىق ۋنيۆەرسيتەتتەردە جوعارى ءبىلىم الۋىنا جاعداي جاساۋ ماڭىزدى. ەلباسى دۇنيەجۇزى قازاقتارىنىڭ V قۇرىلتايىندا شەتەلدەگى وتانداستىرىمىزدىڭ ءبىلىم الۋى ءۇشىن وتاندىق جوعارى وقۋ ورىندارىنداعى كۆوتا سانىن 2 ەسەگە دەيىن وسىرگەن. سونداي-اق مەملەكەت باسشىسى قازاقستانعا كوشىپ كەلگىسى كەلەتىن ازاماتتار ءۇشىن قۇجاتتاردى تەز جاساۋعا، ولارعا ءتيىستى كەڭەس بەرۋ سىندى جۇمىستاردى كۇشەيتۋگە تاپسىرما بەرگەن. وسى اتالعان باعىتتار بويىنشا شەتەلدەگى ەلشىلىكتەر بەلسەندى جۇمىس جۇرگىزۋى قاجەت»، - دەپ تۇيىندەدى ءسوزىن ماۋلەن اشىمبايەۆ.

baq.kz