كورەيا پرەزيدەنتى فوتو سۋرەتشىسىنىڭ جۇمىستارى قوستانايدا قويىلدى - فوتو

قوستاناي. قازاقپارات - قوستاناي وبلىستىق «دوستىق ۇيىندە» «قازاقستان كارىستەرى» اتتى فوتوكورمە اشىلدى، دەپ حابارلايدى «قازاقپارات» ح ا ا ءتىلشىسى.

بۇل شارا كورەيلەردىڭ قازاقستاندا تۇرىپ جاتقاندارىنا 80 جىل تولۋىنا، سونداي-اق، كورەيا مەن قازاقستاننىڭ اراسىندا ديپلوماتيالىق قارىم-قاتىناس ورناتىلعانىنا 25 جىل تولۋىنا ورايلاستىرىلدى. فوتوكورمەدە نەگىزىنەن كورەي رەسپۋبليكاسى پرەزيدەنتى فوتو سۋرەتشىسى كيم دجين سوكتىڭ تۋىندىلارى قويىلعان.

«كيم دجين سوك قازاقستانعا العاش كەلگەندە فوتولار سەرياسىن جاساۋدى ۇيعارعان. سۋرەتتەردە اۆتور 1937-جىلى كەڭەس ساياساتىنىڭ ماجبۇرلەپ جەر اۋدارعان كەزدە قازاقستانعا قونىستانعان كارىس ۇلتىنىڭ ۇرپاقتارىنىڭ قازىرگى كۇندەلىكتى ءومىرىن كورسەتكەن.

قازاقستاندا 100 مىڭعا جۋىق ەتنيكالىق كارىس تۇرادى. بۇل كورسەتكىش قازاقستاندا ءومىر ءسۇرىپ جاتقان 130 ۇلت وكىلدەرىنىڭ 0,6 پايىزىن قۇرايدى. قونىس اۋدارعان كارىستەر اۋەلى شاعىن عانا ۇشتوبە اۋىلىنا كوشىرىلگەن»، - دەپ مالىمدەدى قازاقستانداعى كورەي مادەني ورتالىعىنىڭ ديرەكتورى لي حە-ران.

قوستانايدا قويىلدىكيم دجين سوك ءبىزدىڭ ەلدەن بولەك، يسپانيا، فرانسيا، جاپونيا، افريكا، گيمالاي جانە باسقا مەملەكەتتەرگە بارىپ، سۋرەت سەرياسىن جيناپ وتىرعان. 10 جىلدان استام ۋاقىت فوتو ءتىلشى بولىپ جۇمىس ىستەگەن، سونىمەن قاتار كورەي ۋنيۆەرسيتەتتەرىندە فوتوونەر بويىنشا ءدارىس بەرگەن. قازىرگى تاڭدا كيم دجين سوك كورەي رەسپۋبليكاسى پرەزيدەنتىنىڭ اكىمشىلىگىندە فوتو سۋرەتشى بولىپ قىزمەت ەتەدى.

اۆتور: باتىر جولاي ۇلى