فرانسيانىڭ كومپانياسى قازاقستانداعى ەلەكتروۆوز زاۋىتىنداعى ۇلەسىن ۇلعايتتى
ماڭىزدى قۇجاتقا «ق ت ج» ۇ ك» ا ق دامۋ جونىندەگى ۆيتسە-پرەزيدەنتى ماقسات قاباشيەۆ پەن Alstom كونسەرنىنىڭ تاياۋ شىعىس جانە افريكا بويىنشا اعا ۆيتسە-پرەزيدەنتى ديدە پفلەگەر قول قويدى.
كەلىسىم «ق ت ج» ۇ ك» ا ق قۇرىلىمدىق اكتيۆىن وڭتايلاندىرىپ، قازاقستانداعى تۇڭعىش ەلەكتروۆوز شىعاراتىن كاسىپورىنعا جاڭا تەحنولوگيا مەن قارجى تارتۋدى كوزدەپ، ءونىم ءتۇرىن كوبەيتۋگە ىقپال ەتەدى.
«كومپانيانىڭ «ەقز» كاسىپورنىنداعى ۇلەسىن وتكىزۋ تەمىرجول سالاسىن ءارى قاراي جاڭعىرتۋ ماقساتىنداعى جەكەشەلەندىرۋدىڭ بيزنەستى ترانسفورماتسيالاۋ ساياساتى اياسىندا جۇزەگە اسىرىلۋدا»، - دەيدى م. قاباشيەۆ.
ونىڭ ايتۋىنشا، قازىرگى تاڭدا زاۋىت تەمىرجول سالاسىنىڭ KZ8A جۇك ەلەكتروۆوزىنا سۇرانىسىن قاناعاتتاندىرۋدا. جولاۋشىلار پويىزىن تارتاتىن KZ4AT سەرياسىنداعى لوكوموتيۆتەر شىعارۋ 2018-جىلعا جوسپارلانىپ وتىر.
د. پفلەگەردىڭ ايتۋىنشا، كاسىپورىنداعى Alstom ۇلەسىنىڭ كوبەيۋى قازاقستاننىڭ ينۆەستيتسيالىق تارتىمدىلىعىن كورسەتەدى. ول ارقىلى قازاقستاننىڭ ءوز ىشىندە عانا ەمەس، وسى وڭىردەگى جىلجىمالى قۇرام تارتىمىنا قاجەتتى سۇرانىستى جوعارى دەڭگەيدە ساپالى تەحنولوگيامەن قامتاماسىز ەتۋگە مۇمكىندىك اپەرەدى.
ايتا كەتەرلىگى، ەلەكتروۆوز زاۋىتى 2012-جىلى «ق ت ج» ۇ ك» ا ق، «ترانس ماشحولدينگ» ج ا ق پەن فرانسيانىڭ Alstom كومپانياسىمەن بىرلەسكەن جوبا رەتىندە اشىلدى. كاسىپورىن قازاقستاننىڭ قاتال اۋا رايىنا بەيىمدەلگەن ەلەكتروۆوزدار شىعارادى.
