ءورت سالدارىنان قىسقى وليمپيادا الاۋىنىڭ ەستافەتاسى توقتاتىلدى

استانا. قازاقپارات - وڭتۇستىك كورەيانىڭ ۇلتتىق وليمپيادالىق كوميتەتى چحۋنچحون- نامدو پروۆينسياسىنىڭ چەچحون قالاسىندا بولعان ءورت سالدارىنان وسىندا بولۋى ءتيىس وليمپيادا الاۋىنىڭ ەستافەتا كەزەڭىن توقتاتتى.

بۇل جايلى تاسس وڭتۇستىك كورەيا ۇ و ك- عا سىلتەمە جاساپ حابارلايدى.

«ءورت قۇرباندارى مەن زارداپ شەككەندەردىڭ قۇرمەتىنە ەستافەتا ءراسىمى جانە ونىڭ كوڭىل كوتەرۋشىلىك شارالارى توقتاتىلدى»، - دەلىنگەن حابارلامادا. وليمپيادا الاۋىنىڭ ەستافەتاسى سەنبى كۇنى تانيان قالاسىندا جالعاستىرىلادى.

بەيسەنبى كۇنى ويىن-ساۋىق ورتالىعىنىڭ سەگىز قاباتتى عيماراتىندا بولعان ورتتەن 29 ادام قازا تاۋىپ، تاعى 29 ادام زارداپ شەكتى.

كورەيا رەسپۋبليكاسىنىڭ پرەزيدەنتى مۋن چجە ين بۇل قايعىلى وقيعادان قازا تاپقانداردىڭ تۋىستارى مەن جاقىندارىنا كوڭىل ايتىپ، اپات سالدارىن ازايتۋدى تاپسىردى.

قىسقى وليمپيادا وڭتۇستىك كورەيانىڭ پحەنچحان قالاسىندا 2018 -جىلعى 9-25 -اقپاندا وتەدى.