ق ر س ءى م قازاقستاننىڭ قىتايداعى دوستارى كلۋبىنىڭ مۇشەلەرىنە مەدال تاقتى

بەيجىڭ. قازاقپارات - قازاقستاننىڭ ق ح ر- داعى ەلشىلىگىندە قازاقستاننىڭ قىتايداعى دوستارى كلۋبىنىڭ ءتورتىنشى وتىرىسىن وتكىزدى، دەپ حابارلايدى قازاقپاراتتىڭ قىتايداعى ءتىلشىسى.

شاراعا ق ح ر قازاقستانداعى بۇرىنعى ەلشىسى چجوۋ لي، ياو پەشەن جانە ق ح ر س ءى م ەۋروپا جانە ورتالىق ازيا ەلدەرى دەپارتامەنتىنىڭ ديرەكتورى مەن قىتاي قوعامدىق عىلىمدار اكادەمياسىنىڭ ساراپشىلارى، ق ح ر مەمكەڭەسىنىڭ دامۋدى زەرتتەۋ ورتالىعىنىڭ، حالىقارالىق قاتىناستاردى زەرتتەۋ جونىندەگى قىتاي ينستيتۋتىنىڭ، قىتاي قازىرگى زامانعى حالىقارالىق قاتىناستار اكادەمياسىنىڭ، ستراتەگيالىق زەرتتەۋ ينستيتۋتىنىڭ وكىلدەرى قاتىستى.

قازاقستان تاراپىنان قاۋىپسىزدىك كەڭەسى حاتشىسىنىڭ ءبىرىنشى ورىنباسارى مارات شايحۋتدينوۆ، ق ر سىرتقى ىستەر ءمينيسترىنىڭ ورىنباسارى اقىلبەك كامالادينوۆ، قازاقستاننىڭ قىتايداعى توتەنشە جانە وكىلەتتى ەلشىسى شاحرات نۇرىشيەۆ، ق ر س ءى م ورتالىق اكىمشىلىگىنىڭ قىزمەتكەرلەرى، قىتايداعى قازاقستاندىق ديپلوماتتار قاتىستى.

«ق ح ر ءتوراعاسى شي جينپيڭ 2013-جىلى استاناعا كەلىپ، جىبەك جولىن جاڭعىرتۋ تۋرالى يدەياسىن ورتاعا تاستاعان بولاتىن. 2018-جىلى يدەيانىڭ ىسكە اسقانىنا 5 جىل تولادى. قازىرگى كۇنى جىبەك جولىن جاڭعىرتۋ يدەياسى حالىقارالىق كووپەراتسيا مەن ەكونوميكالىق ءوسىم درايۆەرىنە اينالدى»، - دەدى ق ر سىرتقى ىستەر ءمينيسترىنىڭ ورىنباسارى اقىلبەك كامالادينوۆ.

ول «قازاقستاننىڭ جاڭعىرۋى 3.0»، «نۇرلى جول»، «ءبىر بەلدەۋ، ءبىر جول» باعدارلامالارىنىڭ ىسكە اسىرىلۋى تۋرالى ايتىپ بەردى. قازاقستاننىڭ قىتايداعى دوستارى كلۋبىنىڭ مۇشەلەرى ءوز باياندامالارىندا ەكىجاقتى قارىم-قاتىناس پەن ونى ءارى قاراي دامىتۋ باعىتىنداعى ناقتى ۇسىنىستارى تۋرالى ايتىپ بەردى.

كەزدەسۋ سوڭىندا ا. كامالادينوۆ قازاقستاننىڭ قىتايداعى دوستارى كلۋبىنىڭ مۇشەلەرىن «قازاقستان رەسپۋبليكاسىنىڭ ديپلوماتيالىق قىزمەتىنە 25 جىل» مەدالىمەن ماراپاتتادى. ولار: ق ح ر- دىڭ قازاقستانداعى بۇرىنعى ەلشىسى چجوۋ لي، ياو پەشەن، بەيجىڭ شەت تىلدەرى ۋنيۆەرسيتەتىنىڭ رەكتورى پەن لۋن، قىتاي حالىقارالىق ماسەلەلەر ينستيتۋتىنىڭ شىۇ ورتالىعىنىڭ ديرەكتورى چەن يۋيجۋن، قىتاي قوعامدىق عىلىمدارى اكادەمياسى، رەسەي، شىعىس ەۋروپا جانە ورتالىق ازيا ينستيتۋتىنىڭ ديرەكتورى لي يۋنتسيۋان، ق ح ر س ءى م ەۋروپا جانە ورتالىق ازيا ەلدەرى دەپارتامەنتىنىڭ ديرەكتورى حۋ چۋنمەي، پەكين شەت تىلدەرى ۋنيۆەرسيتەتىنىڭ پروفەسسورى ليۋ چجەن، قىتاي قازىرگى زامانعى حالىقارالىق قاتىناستار اكادەمياسىنىڭ ديرەكتورى تسزي چجيە، اتاقتى تۇركولوگ ەركىن اۋگالي.

ايتا كەتەيىك، قازاقستاننىڭ قىتايداعى دوستارى كلۋبىنىڭ مۇشەلەرى 2015-جىلدىڭ 10- قاراشاسىندا قۇرىلعان.