ماجارستان ەلشىسى كەيكىنىڭ باس سۇيەگى تۋرالى: شىندىق تۇعىرىنا قوندى
بۇل تۋرالى ق ر- داعى ماجارستاننىڭ توتەنشە جانە وكىلەتتى ەلشىسى اندراش باراني ايتتى، دەپ حابارلايدى «قازاقپارات» ح ا ا ءتىلشىسى.
«قازاقستان تاراپىمەن عىلىمي تۇرعىدا دا بايلانىسىمىز مىعىم. ناقتىراق ايتقاندا، ماجارستان تابيعات تانۋ مۋزەيىنىڭ ىشىندە انتروپولوگيا ينستيتۋتى بار. سول ينستيتۋتتىڭ ماماندارى كەيكى باتىردىڭ سۇيەگىنە زەرتتەۋ جۇمىستارىن جۇرگىزدى. ماجار عالىمدارى باتىردىڭ باس سۇيەگىنە ساي ءتۇر- الپەتىن جاساپ شىعاردى. بۇل دا قازاقستاندىق- ماجارلىق رۋحاني بايلانىستىڭ سيمۆوليكالىق دالەلى دەپ ايتار ەدىم. كەيكىنىڭ ارقالىقتاعى باسسۇيەگىن جەرلەۋ راسىمىنە قاتىسقانىمدى ۇلكەن قۇرمەت دەپ بىلەمىن. سول جەرلەۋ راسىمىنە جالعىز مەملەكەتتەن ەلشى بولىپ مەن عانا شاقىرىلعانىمدى اتاپ وتكىم كەلەدى»، - دەيدى اندراش باراني.
ەلشىنىڭ ايتۋىنشا، ماجار عالىمدارى كەيكى باتىردىڭ قۇرمەتىنە شىعارىلعان مەدالدارعا لايىقتى تۇردە يە بولعان.
«ءاۋ باستا جەرلەۋ ءراسىمى قارالى ءراسىم سەكىلدى كورىندى ماعان. مەن ءتىپتى وسى ءۇشىن قارا گالستۋك تاعىپ العان ەدىم. ەكىنشى جاعىنان، بۇل كۇن - شىندىق تۇعىرىنا قونعان، قۋانىش كۇنى. قازاق حالقىنىڭ باتىرى تۋعان توپىراعىنا جەرلەنىپ، بوستاندىق ءۇشىن باسىن بايگەگە تىككەن تۇلعالاردىڭ ءبىرى رەتىندە ەسىمى تاريحقا قاشالا ءتۇستى»، - دەيدى ول.
اۆتور: ايان بەكەن ۇلى
