قازاقستان مەن قىتايدىڭ بىرلەسكەن سەمەنت زاۋىتى ءونىمىنىڭ العاشقى لەگىن ساۋداعا شىعاردى

استانا. قازاقپارات - قازاقستان مەن قىتايدىڭ ايماقتارى ءوزارا ارىپتەستىگىن نىعايتىپ كەلەدى.

بىرلەسكەن كاسىپورىنداردىڭ العاشقى ونىمدەرى نارىققا شىعا باستادى. بۇل جايىندا تىلشىمىزگە سۇحبات بەرگەن قازاقستانداعى شانشي پروۆينسياسى وكىلدىگىنىڭ باسشىسى حاباردار ەتتى.

ونىڭ ايتۋىنشا، ەلىمىزدە شەتەلدىك ينۆەستورلار ءۇشىن بارلىق جاعداي جاسالعان. بەيبىتشىلىك پەن تۇراقتىلىق ساقتالعان مەملەكەتتە كاسىپ يەلەرى ەش الاڭسىز جۇمىس ىستەي الادى.

ماسەلەن، شەنسي ولكەسىنىڭ قازاقستانمەن بىرلەسىپ قۇرعان سەمەنت زاۋىتى ءوز ءونىمىنىڭ العاشقى لەگىن ساۋداعا شىعاردى. ناتيجەسىندە اتالعان ايماقپەن جۇك تاسىمالى وتكەن جىلمەن سالىستىرعاندا 18 پايىزعا ارتتى. ال شيان-الماتى اۋە رەيسىنىڭ اشىلۋى بۇل ولكەدەن قازاقستانعا كەلەتىن تۋريستەردىڭ سانىن كوبەيتكەنى انىق. ناتيجەسىندە شياندىق ساياحاتتاۋشىلار استانا كورمەسىن تاماشالاۋعا مۇمكىندىك الدى.

ەندى ەكى جاق ازىق-تۇلىك سالاسىنداعى ارىپتەستىكتى دامىتۋعا باسىمدىق بەرمەك. قازاقستاندىق «نۇرلى جول» باعدارلاماسى مەن قىتايدىڭ «ءبىر بەلدەۋ، ءبىر جول» باستاماسى بۇل جوبالاردىڭ جۇزەگە اسۋىنا دەمەۋ بولماق.

حە چەن، قازاقستانداعى شانشي پروۆينسياسى وكىلدىگىنىڭ باسشىسى:

-  قازاقستاننىڭ اگروونەركاسىپ سالاسىنداعى مۇمكىندىگى وراسان زور. ءبىز قازىر قازاقستاننىڭ اۋىل شارۋاشىلىعى پاركىندە كۇننەن قۋات الاتىن جىلىجاي قۇرىلىسىن سالۋدىڭ ەكىنشى كەزەڭىنە وتتىك. جوبا بۇيىرتسا، كەلەسى جىلى تولىقتاي ىسكە قوسىلادى. بيىل قازاقستان مەن قىتايدىڭ ايماقارالىق بايلانىستاردى جاندانا تۇسكەنىنە وسى دالەل. تاۋەلسىزدىكتىڭ 26 جىلدىعىمەن قۇتتىقتايمىن. قازاق ەلىندە ءبىزدى قولدايتىن ارىپتەستەر مەن دوستاردىڭ بارىنا قۋانىشتىمىن.

www.24.kz