14:33, 16 - جەلتوقسان 2017 | GMT +6
ا ق ش ەلشىسى قازاقستاندىقتاردى تاۋەلسىزدىك كۇنىمەن قۇتتىقتادى
استانا. قازاقپارات - ا ق ش- تىڭ قازاقستانداعى توتەنشە جانە وكىلەتتى ەلشىسى دجوردج كرول ق ر تاۋەلسىزدىك كۇنىنە وراي ءۇش تىلدە لەبىز ءبىلدىردى، دەپ حابارلايدى قازاقپارات ءتىلشىسى.
«ەگەمەندىك العاننان بەرى سالىستىرمالى از ۋاقىت ىشىندە سىزدەر كۇشتى، تۇراقتى جانە گۇلدەنگەن مەملەكەتكە اينالا الدىڭىزدار. امەريكا قۇراما شتاتتارى قازاقستانمەن كوپتەگەن سالالاردا سەرىكتەس بولعانىن ماقتان تۇتادى. قازاقستاننىڭ ايماقتاعى جانە الەمدەگى بەيبىتشىلىك پەن قاۋىپسىزدىكتى ساقتاۋداعى اتقاراتىن ماڭىزدى ءرولىن باعالايمىز. جەكە باسىم قازاقستاندى، ونىڭ حالقىن كەڭ بايتاق جەرلەرى سياقتى ۇلكەن جۇرەكتەرى مەن اسقاق ارماندارى ءۇشىن قۇرمەتتەيتىن. اسەم قالا استانانىڭ، دۋمان قالا الماتىنىڭ، قازاقستاننىڭ ءار وبلىسى مەن اۋىل تۇرعىندارىنا بەيبىت ءومىر، زور دەنساۋلىق، بەرەكە تىلەيمىن»، - دەيدى دجون كرول.
ايتا كەتەيىك، بيىل ا ق ش پەن قازاقستان اراسىنداعى ديپلوماتيالىق قارىم-قاتىناستىڭ ورناۋىنا 25 جىل تولدى.
