قازاقستاندا ەلەكتروندى ۆيزا ەنگىزىلەدى
بۇل تۋرالى استانادا تۋريزم جونىندەگى كەڭەستىڭ وتىرىسىندا ق ر مادەنيەت جانە سپورت ۆيتسە- ءمينيسترى ەرلان قوجاعاپانوۆ مالىمدەدى، دەپ حابارلادى قازاقپارات.
«مىسالى، بىزدە ەلەكتروندىق ۆيزا جوق، وسى كۇنگە دەيىن ميگراتسيالىق كارتالار جۇمىس ىستەۋدە، سونداي- اق، الەمدە قازاقستاندىق تۋريزمدى ناسيحاتتاۋدا اقپاراتتىق ناسيحاتتاۋ ءتيىستى دەڭگەيدە ەمەس.
قازىرگى كەزدە قازاقستاندا 65 ەلگە قاتىستى ۆيزاسىز رەجىم بار. يۋنۆتو مالىمەتىنشە، شەتەلدە قازاقستاندىق ۆيزانى الۋ قيىنداۋ. سوندىقتان دا جاقىن ارادا جەدەل تۇردە ەلەكتروندى ۆيزانى ەنگىزۋ كەرەك»، - دەيدى ۆيتسە- مينيستر.
ازەربايجاندا 2013 -جىلى ەلەكتروندى ۆيزانى ەنگىزۋ ناتيجەسىندە شەتەل تۋريستەرى 3,5 ەسەگە ارتقان.
ەرلان قوجاعاپانوۆتىڭ ايتۋىنشا، ەلگە كەلگەن سوڭ بەرىلەتىن ۆيزالاردى قولدانۋ كەرەك، سونداي- اق 72 ساعاتتىق ۆيزاسىز ترانزيتتىك رەجىمدى كەڭەيتىپ، ميگراتسيالىق تىركەۋدى الىپ تاستاۋ قاجەت.
بۇدان بولەك، ول ەكسپو-2017 كورمەسى كەزىندە ءۇش اي بويى قولدانىلعان «اشىق اسپان» ساياساتىن ەنگىزۋ وتە ماڭىزدى ەكەنىن، وسى ورايدا ەلەۋلى تۇردە وڭتايلى تيىمدىلىككە قول جەتىكىزىلگەنىن اتاپ ءوتتى.
