رەسەيدىڭ تانىمال سپورت جاتتىقتىرۋشىسى پاۆلودارعا ۇشىپ كەلدى
ماسكەۋدىڭ «سپارتاگىن»، ارماۆيردىڭ «تورپەدوسىن» جانە يسپاندىق «مالوركا» كلۋبتارىن جاتتىقتىرعان 48 جاستاعى مامان پاۆلودارعا جەرگىلىكتى كلۋب باسشىلىعىنىڭ شاقىرتۋىمەن كەلدى. تاراپتار الداعى ۋاقىتتا بىرلەسە جۇمىس ىستەۋ ماسەلەسىن تالقىلايدى. دەگەنمەن، كارپيننىڭ كەلۋى تۋرالى سوڭعى شەشىمدى وبلىس اكىمى شىعاراتىن بولادى.
ەسكە سالا كەتەيىك، وسىعان دەيىن «ەرتىس» ءوزىنىڭ رەسمي سايتىنا باس جاتتىقتىرۋشى ىزدەپ جاتقانىن جاريالاعان بولاتىن. ۇمىتكەرگە قويىلار تالاپتار دا ءبىرشاما، ونىڭ ىشىندە پاۆلودارعا ءوز قاراجاتىمەن كەلۋى كەرەك دەگەن دە تارماق بار.
ۆالەري كارپين پاۆلودار كلۋبىنا كەلگەلى وتىرعان جالعىز جاتتىقتىرۋشى ەمەس. ۇمىتكەرلەر قاتارىندا گرۋزين مامانى كاحابەر سحادادزە، ارميان ارام ۆوسكانيان جانە اتى-ءجونى ازىرگە ايتىلماي تۇرعان قازاقستاندىق مامان دا بار.
