بەيجىڭدە ق ر تاۋەلسىزدىك كۇنىنە وراي سالتاناتتى قابىلداۋ شاراسى ءوتتى - فوتو
شاراعا 600-دەي ادام: ق ح ر سىرتقى ىستەر ءمينيسترىنىڭ كومەكشىسى كۋن سيۋانيۋ (ءمينيستردىڭ ورىنباسارى دارەجەسىندە)، شانشي پروۆينسياسىنىڭ گۋبەرناتورىنىڭ ورىنباسارى ۆەي جەنجيۋن، قىتايدىڭ حالىقارالىق ساۋدامەن ارەكەتتەستىگى كوميتەتى ءتوراعاسىنىڭ ورىنباسارى ۆان جينچەن، ش ى ۇ باس حاتشىسى راشيد اليموۆ، ورتالىق اسكەري كوميتەت وكىلدەرى، ق ح ر س ءى م، ق ح ر ساۋدا مينيسترلىگى وكىلدەرى، حالىقارالىق ۇيىمدار مەن ديپلوماتيالىق ميسسيالاردىڭ باسشىلارى، بيزنەس، ساراپشىلار قوعامداستىعى، قازاق دياسپوراسى وكىلدەرى، ستۋدەنتتەر قاتىستى.
قازاقستان مەن قىتاي ەلدەرىنىڭ گيمندەرى ورىندالعان سوڭ ق ح ر- داعى ق ر ەلشىسى شاحرات نۇرىشەۆ ءسوز سويلەدى. ودان سوڭ ءسوز كەزەگى ق ح ر سىرتقى ىستەر ءمينيسترىنىڭ كومەكشىسى كۋڭ سيۋانيۋ (مينيستردىڭ ورىنباسارى دارەجەسىندە) مىرزاعا بەرىلدى.
قىتايلىق ديپلومات 2017 -جىل ەكى ەل اراسىنداعى ديپلوماتيالىق قارىم- قاتىناستىڭ 25 جىلدىعى رەتىندە بەلگىلەنگەنىن اتاپ ءوتتى.
«بيىلعى جىلدىڭ 9 ايىندا ەكىجاقتى تاۋار اينالىمى 35 پروتسەنتكە ءوستى. يندۋستريالىق سالادا دا ءبىزدىڭ قاتىناستارىمىز جاندانىپ كەلەدى. قۇنى 27 ميلليارد دوللاردى قۇرايتىن 51 جوبا قولعا الىندى. ولاردىڭ 6 اۋى جۇزەگە اسىرىلىپ تا ۇلگەردى»، - دەدى ول.
ق ح ر سىرتقى ىستەر ءمينيسترىنىڭ كومەكشىسى «ءبىر بەلدەۋ، ءبىر باعىت» جوباسىنىڭ اياسىندا ق ر مەن ق ح ر اراسىنداعى بايلانىستاردىڭ نىعايا تۇسەتىندىگىنە سەنىم ءبىلدىردى.
قازاقستاننىڭ قىتايداعى ەلشىسى شاحرات نۇرىشيەۆ قازاقستاننىڭ ش ى ۇ- داعى ءتوراعالىعى مەن شىۇ- نىڭ مارافونىن ۇيىمداستىرعانى ءۇشىن سالتاناتتى جاعدايدا شانحاي ىنتىماقتاستىق ۇيىمىنىڭ حاتشىلىعىنا العىس حات تاپسىردى. وسىنداي حاتتار، سونداي-اق، «نانحە» جانە «جاڭا ەۋرازيا» كومپانيالارىنا «ەكسپو-2017» كورمەسى مەن قىتايدىڭ قازاقستانداعى تۋريزم كۇندەرىن وتكىزگەنى ءۇشىن قازاقستاندىق جانە قىتايلىق ۇيىمدار مەن مەكەمەلەرگە جانە ازاماتتارعا تاپسىرىلدى.
شاحرات نۇرىشەۆ پەن كۋڭ سيۋانيۋ «قازاقستاننىڭ تۋريزم الەۋەتى» اتتى كورمەنى تاماشالادى. مەرەكەنىڭ سوڭى ارنايى دايىندالعان كونسەرتكە ۇلاستى.
