قىتايلىق ستۋدەنتتەر قازاق تىلىنەن ديكتانت جازىپ، مانەرلەپ وقۋدان جارىستى

بەيجىڭ-شيان. قازاقپارات - قىتايدىڭ شيان شەت تىلدەرى ۋنيۆەرسيتەتىندە (س ش ت ۋ) قازاق ءتىلىن ناسيحاتتاۋعا باعىتتالعان «جەتى جۇرتتىڭ ءتىلىن ءبىل» اتتى بايقاۋ ءوتتى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

بايقاۋ ق ر تۇڭعىش پرەزيدەنتى كۇنىنە وراي س ش ت ۋ جانىنداعى «قازاقستان ورتالىعىندا» ۇيىمداستىرىلدى. قاتىسۋشىلارعا - 1-كۋرس ستۋدەنتتەرىنە قازاقستان پرەزيدەنتى نۇرسۇلتان نازاربايەۆتىڭ ءومىر جانە ەڭبەك جولىن باياندايتىن «ەلىن سۇيگەن، ەلى سۇيگەن ەلباسى» فيلمى كورسەتىلدى. «رۋحاني جاڭعىرۋ» باعدارلاماسىنىڭ نەگىزگى تارماقتارى تالقىلاندى.

ديكتانت جازۋ، مانەرلەپ وقۋ جانە ولەڭدى جاتقا وقۋ سىندى ءۇش كەزەڭنەن تۇرعان بايقاۋ قورىتىندىسى بويىنشا، 1-ورىندى ان كايسين، 2-ورىندى - چجان ۆەنلين مەن يۋە بەيلەي، 3-ورىندى - چجان سياو شۋەن مەن لي تسيۋنو يەلەندى.

«بۇل كونكۋرس ستۋدەنتتەردىڭ قازاق تىلىنەن العان بىلىمىنە باعا بەرىپ قانا قويماي، وقۋ پروتسەسىنە دەگەن قىزىعۋشىلىقتى ارتتىردى»، - دەدى قازاقپاراتقا بەرگەن سۇحباتىندا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ مۇعالىمى، بۇگىندە س ش ت ۋ- دىڭ قازاق ءتىلى كافەدراسىندا جۇمىس ىستەيتىن گۇليام وسپانقۇلوۆا.

ەسكە سالايىق، شيان شەت تىلدەرى ۋنيۆەرسيتەتىندە «قازاقستان ورتالىعى» مەن قازاق ءتىلى كافەدراسى 2017-جىلدىڭ 20- قىركۇيەگىندە مەملەكەت باسشىسىنىڭ «رۋحاني جاڭعىرۋ» باعدارلاماسى اياسىندا ق ح ر- داعى ق ر ەلشىلىگىنىڭ باستاماسىمەن اشىلعان بولاتىن.

قازىرگى تاڭدا 21 قىتايلىق ستۋدەنت قازاق ءتىلىن ۇيرەنىپ جاتىر.