الماتىعا ف ي ف ا كۋبوگى اكەلىنەدى
تەڭبىل دوپ دوداسىنىڭ ەڭ باستى تروفەيىن ف ي ف ا- نىڭ رەسمي وكىلدەرى 2018 -جىلى اقپاننىڭ 4- كۇنى پاكىستاننان الماتىعا الىپ كەلەدى. ءبىر كۇننەن سوڭ كۋبوك باسقا ەلگە ءوز تۋرىن جالعاستىرادى. فۋتبول دوداسىنىڭ باستالۋىنا دەيىن الەم كۋبوگى دۇنيەجۇزىنىڭ 52 مەملەكەتىن ارالايدى. قازاقستان وسى تروفەيدى ەكىنشى رەت قابىلدايتىن العاشقى مەملەكەت بولادى. ءبىرىنشى رەت الەم كۋبوگى الماتىعا 2010- جىلى كەلگەن بولاتىن.
- بۇل كۋبوك ارنايى كۇمبەزدىڭ ىشىندە ساقتالىپ، ءبىر كۇن بويى الماتىنىڭ روزىباكيەۆ كوشەسىندەگى ورتالىق مەگادا تۇراتىن بولادى. قالا قوناقتارى مەن تۇرعىندارى كەلىپ كورۋگە، سۋرەتكە تۇسۋگە مۇمكىندىك الادى، - دەدى Coca-Cola كومپانياسىنىڭ وكىلى الەكساندرا اككيرمان.
الەم چەمپيوناتتارىنىڭ الدىندا وتكىزىلەتىن ءداستۇرلى تۋر قىركۇيەك ايىنىڭ 9 ى كۇنى رەسەي استاناسى ماسكەۋ قالاسىنداعى «لۋجنيكي» ستاديونىندا باستالدى. وسى الاڭدا اشىلۋ سالتاناتى مەن فينالدىق ويىن وتەدى. ف ي ف ا كۋبوگىنىڭ تۋرى رەسەيدە مامىر ايىندا اياقتالادى.
