ب ۇ ۇ قاۋىپسىزدىك كەڭەسى مادەني مۇرا نىساندارىنىڭ جويىلۋى ماسەلەسىن تالقىلادى
بۇل تۋرالى ق ر س ءى م باسپا ءسوز قىزمەتى حابارلادى.
ءوز بايانداماسىندا قازاقستاندىق دەلەگاتسيا مادەني مۇرا نىساندارىن قورعاۋعا قاتىستى قاۋىپسىزدىك كەڭەسىنىڭ 2347 قارارىن جۇزەگە اسىرۋ تۋرالى ب ۇ ۇ باس حاتشىسىنىڭ سوڭعى ەسەبىن قۇپتادى. بۇل ماڭىزدى قۇجات ۇيىمعا مۇشە مەملەكەتتەرگە وسى ماسەلەنى جان- جاقتى زەرتتەۋگە جانە ونىڭ بايىپتىلىعى مەن اۋقىمىن باعالاۋعا مۇمكىندىك بەردى.
ب ۇ ۇ- عا مۇشە بارلىق مەملەكەتتەر مادەني مۇرانى ساقتاۋ مەن قايتا دامىتۋدىڭ ماڭىزدىلىعىن سەزىنۋ ءۇشىن، قازاقستان قاۋىپسىزدىك كەڭەسى مۇشەلەرىنىڭ نازارىن جاھاندىق ارەكەتتەردى جۇزەگە اسىرۋدىڭ قاجەتتىلىگىنە اۋداردى. سونىمەن قاتار، ءبىزدىڭ مەملەكەتتىڭ يۋنەسكو- نىڭ ءتيىستى ارەكەت جوسپارىن جۇزەگە اسىرۋدى قولدايتىنى كورسەتىلدى. وسىعان بايلانىستى «مادەنيەتتى ساقتاۋ جانە مادەني ءپليۋراليزمدى ماداقتاۋ: بەكەم الەمنىڭ كىلتى» اتتى يتاليانىڭ ۇندەۋىنە باسا نازار اۋدارىلدى.
بۇگىنگى تاڭدا مادەني قۇندىلىقتاردىڭ زاڭسىز اينالىمىنا قاتىستى سانكتسيا رەجىمىن قاتال ساقتاۋ، ىسكەرلىك قاۋىمداستىقتارمەن، انتيكۆاريات بازارلارىمەن جانە جەكە ساتۋشىلارمەن ءوزارا ارەكەتتەسۋ جانە دە ارتەفاكتتار مەن مۇرا وبەكتىلەرى جايلى سايكەس قۇجاتنامانى بەرۋ وزەكتى بولىپ وتىر. سونىمەن قاتار، قازاقستان جاعى وڭ ناتيجەلەر تەك، ءبىرىنشى كەزەكتە، سايكەس اقپاراتپەن الماسۋ ارقىلى، ب ۇ ۇ- نا مۇشە مەملەكەتتەردىڭ كوبىسى تىعىز ىنتىماقتاستىقتى باستاعان جاعدايدا عانا مۇمكىن بولاتىنىن اتاپ ءوتتى.
اتاپ ايتقاندا، قاۋىپسىزدىك كەڭەسىنىڭ وتىرىسىنا قاتىسۋشىلار، حالىقارالىق قوعامداستىققا مادەني مۇرانى قورعاۋ ماڭىزدى ماسەلە بولىپ تابىلاتىنىن تاعى دا ءبىر رەت راستادى. سوعان بايلانىستى بۇۇ- عا مۇشە بارلىق مەملەكەتتەر بار قۇقىقتىق قۇرالداردى بارىنشا ءتيىمدى قولدانۋى كەرەك. سونىمەن بىرگە، قارۋلى قاقتىعىستار جاعدايىندا، سونىڭ ىشىندە يراك جانە سيريا اۋماقتارىندا مادەني مۇرانى ۇرلايتىن جانە جوياتىن تەررورشىلاردىڭ قىلمىستارى جازاسىز قالماۋى كەرەكتىگى ەرەكشە اتاپ ءوتىلدى.
