قىتايلار اقتوبەدە پوليەتيلەن زاۋىتىن سالادى - فوتو
اقتوبە وبلىسى اكىمى بەردىبەك ساپاربايەۆتىڭ بەيجىڭ قالاسىنا جاساعان جۇمىس ساپارى اياسىندا اتالعان جوبا بويىنشا ىنتىماقتاستىق مەموراندۋمىنا قول قويىلدى.
اتالعان زاۋىتتىڭ قۇرىلۋى 3 مىڭ جاڭا جۇمىس ورنىن اشۋ مۇمكىندىگىن بەرەدى. ءونىم قازاقستان مەن قىتاي نارىعىنا، سونداي- اق كورشى ەلدەرگە شىعارىلادى.
ب. ساپاربايەۆ پەن Tianjin Bohua Petrochemical (Tianjin Bohai Chemical Industry Group-تىڭ ەنشىلەس كومپانياسى) پرەزيدەنتى جوۋ كاي (Zhou Kai) جوبانى جۇزەگە اسىرۋ اياسىندا ق ر ەكولوگيالىق زاڭناماسىن ساقتاۋ، قازاقستاندىق كادرلاردى دايىنداۋ، جاڭا تەحنولوگيالاردى قولدانۋ سياقتى وزەكتى ماسەلەلەردى تالقىلادى.
تاراپتار وسى جوبانىڭ جۇزەگە اسىرىلۋى اقتوبە وبلىسىنىڭ ەكونوميكاسىنا قارقىن بەرەتىنىن تىلگە تيەك ەتتى.
قىتاي كاسىپكەرى قازاقپارات تىلشىسىنە بەرگەن سۇحباتىندا جوعارىدا اتالعان جوبانى دايىندىق جۇمىستارى جۇرگىزىلگەننەن كەيىن 2-3 جىل ىشىندە جۇزەگە اسىرىلىپ وتىرعاندىعىن ايتىپ بەردى.
