قىتايدا وتكەن حالىقتار مادەنيەتى فەستيۆالىندە قازاقستان پاۆيلونى شەتەلدىكتەردى ءتانتى ەتتى - فوتو
شارا اتالعان قالاداعى كولىك ۋنيۆەرسيتەتىندە ۇيىمداستىرىلدى، وعان الەمنىڭ 100 دەن استام مەملەكەتى قاتىستى.
قازاقستاندىق پاۆيلون بۇل فەستيۆالدەگى ەڭ كورىكتى پاۆيلونداردىڭ ءبىرى بولدى. سول سەبەپتى دە قىتايلىق تۇرعىندار مەن شەتەلدىكتەردىڭ قىزىعۋشىلىعى ايقىن كورىنىس تاۋىپ جاتتى. ءبىزدىڭ ستۋدەنتتەر قوناقتارعا قازاقتىڭ «سالەمەتسىز بە» جانە «راحمەت» دەگەن سوزدەرىن ۇيرەتتى، ۇلتتىق تاعامداردان اۋىز تيگىزدى.
مادەني شارا اياسىندا قازاقستاندىق ونەرپازدار ءبي بيلەپ، جۇرتتى ءتانتى قىلدى. سونداي-اق، «اتامەكەن» ءانسامبلى دە جۇرتشىلىققا ونەرىن پاش ەتتى»، - دەدى قازاقپارات تىلشىسىنە بەرگەن سۇحباتىندا شيان كولىك ۋنيۆەرسيتەتىنىڭ «حالىقارالىق قۇقىق» ماماندىعى بويىنشا 2-كۋرس ستۋدەنتى رايسيام مۋردينوۆا.
ونىڭ سوزىنشە قازاقستاندىقتار اسپاناستى ەلىندە ق ر- دى جاقسى قىرىنان تانىتا بىلگەن.
