شەتەلگە شىعاتىن قازاقتارعا: انا تىلىڭدەگى كىتاپتى قالدىرىپ كەت

استانا. قازاقپارات - قازاقستاندىقتارعا شەتەلگە شىققاندا قازاق تىلىندەگى كىتاپتى بارعان جەرلەرىنە قالدىرىپ كەتۋ ۇسىنىلدى.

مۇنداي ۇسىنىستى ق ر ا ك م «ورتالىق كوممۋنيكاتسيالار قىزمەتى» ر م ك ديرەكتورىنىڭ ورىنباسارى وكسانا لوسكۋتوۆا ءبىلدىردى، دەپ حابارلايدى «قازاقپارات» ح ا ا ءتىلشىسى.

«مەنىڭ ويىمشا، الەمنىڭ كەز كەلگەن جەرىندە جۇرگەن قازاقستاندىقتاردىڭ كوبى وزدەرىنىڭ تۋعان جەرىن، اسىرەسە تۋعان ءتىلىن ساعىنىپ ءجۇر. مىسالى، جازدا مەن ەكى اپتا بويى ماسكەۋدە بولدىم، ءبىراق وزىمە جاقىن قازاقتاردى كورگىم كەلدى، تۋىستارىمدى كەزدەسۋدى ارمانداپ كەتتىم. شەتەلدە جۇرگەن كەزىڭىزدە ەلىڭىزدى قاتتى ساعىناسىز»، - دەيدى وكسانا لوسكۋتوۆا اگەنتتىككە بەرگەن سۇحباتىندا.

ءۇندىستانعا بارعان ءبىر ساپارىندا وكسانا كەزدەيسوق ورىس تىلىندەگى كىتاپتى كورىپ قالىپ، تۋىسىن تاپقانداي قۋانعانىن ەسكە الادى.

«كىتاپتى بىردەن وقي باستادىم. ويتكەنى وقىپ- ۇيرەنۋدى بۇرىننان جاقسى كورەمىن. ورىسشا كىتاپتى تاپقان كەزىمدە وتە جاعىمدى اسەردە بولدىم. مىنە، وسىنداي ساتتەردە، ارينە، قازاق تىلىندە كىتاپتاردى كورگىڭ كەلەدى ەكەن»، - دەيدى ول.

وكسانانىڭ پايىمداۋىنشا، كەزدەيسوق قازاق تىلىندە كىتاپتى تاۋىپ العان قازاق ءۇشىن بۇل وتە كەرەمەت سىي بولار ەدى. ول ءوز وتانىنا دەگەن ۇلكەن ماحابباتپەن، پاتريوتتىق سەزىمىمەن كىتاپتى وقىپ شىعادى. بۇعان قوسا قازاقستاننىڭ وسىلايشا شەتەلدە وڭ ءيميدجى قالىپتاسادى.

وكسانا لوسكۋتوۆا ءبىزدىڭ رەسپۋبليكا، وسىلايشا تاعى ءبىر رەت الەمگە ءوزىنىڭ اشىقتىعىن كورسەتەدى دەپ ەسەپتەيدى.

«ءبىز لاتىن الىپبيىنە كوشىپ جاتقان تۇستا شەتەلدىكتەردە قازاق تىلىنە دەگەن قىزىعۋشىلىق تىپتەن ارتا تۇسەدى. شەتەلدىكتەر ءۇشىن لاتىن قارپىندەگى قازاق ءالىپبيى تانىس سەكىلدى اسەر قالدىرىپ، ولار قازاقستاننىڭ قانداي ەل ەكەنىنە ىنتىعا تۇسەدى. قازىرگى زاماندا كەز كەلگەن شەتەلدىك ينتەرنەتتەن وزىنە قاجەتتى مالىمەتتەردى تاۋىپ الا الادى. وسىنداي اكسيا ارقىلى ءبىزدىڭ ەلگە دەگەن الەم نازار ودان ارى ارتتىرا تۇسەر دەگەن سەنىمدەمىن»، - دەيدى وكسانا.

ونىڭ ايتۋىنا قاراعاندا، شەتەلدەگى قوناق ۇيلەرگە توم-توم كىتاپتاردى تاستاماي-اق، قازاق تىلىندەگى كىتاپشالاردى نەمەسە بروشيۋرالاردى تاستاپ كەتۋگە بولادى. كىشكەنتاي كىتاپشا نەمەسە بروشيۋرا شەتەلگە شىعىپ جۇرگەن قازاقستاندىقتار ءۇشىن اۋىر جۇك بولماسى انىق.

«دومينيكان رەسپۋبليكاسىندا ءوز انا تىلىڭىزدە كىتاپتى تابۋ سىزگە كەرەمەت كوڭىل-كۇي سىيلار دەپ ويلايمىن. ءسىز ول كىتاپتى تاۋىپ الساڭىز وقىپ شىعاسىز. مەن سەنەمىن!»، - دەيدى وكسانا لوسكۋتوۆا.

اكتسيانى كەلەسى حەشتەگتەرمەن بەلگىلەۋ ۇسىنىلۋدا: #فلەشموب ء#قازاقتىلى #قازاقشاوقۋ #چيتاەمناكازاحسكوم #كنيگي. وكسانا لوسكۋتوۆا ءوزىنىڭ ۇسىنىسىنا قىزىعۋشىلىق تۋدىراتىنداردىڭ كوپ بولاتىنىنا، قازاقستاندىقتار اكسياعا قولداۋ كورسەتەتىنىنە سەنىم ءبىلدىردى.

 

فوتو twitter.com