جاننا اۋباكىروۆا دەلي جۇرتشىلىعىن ونەرىنە ءتانتى ەتتى - فوتو
كەش قوناقتارى ينديا سىرتقى ىستەر ءمينيسترىنىڭ ورىنباسارى گوداۆارتحي ۆەنكاتا سرينيۆاس، ساياسات جانە قوعام قايراتكەرلەرى، ديپلوماتيالىق وكىلدىكتەر باسشىلارى، بيزنەس ەليتا وكىلدەرى، ب ا ق جانە باسقا دا كلاسسيكالىق مۋزىكانى باعالاۋشىلار بولدى.
كونسەرت كوپشىلىكتىڭ كوڭىلىنەن شىقتى. تىڭدارمانداردى قازاقستاندىق ورىنداۋشىنىڭ فرەدەريك شوپەن جانە انتونين دۆورجاك سىندى ۇلى كومپوزيتورلاردىڭ تۋىندىلارىن اسقان شەبەرلىكپەن جەتكىزگەنى تاڭعالدىردى.
كوپشىلىك بۇل كونسەرت قازاقستاننىڭ مادەني دامۋىنىڭ قانداي دەڭگەيدە ەكەندىگىن كورسەتتى دەپ باعا بەردى.
ءوز سوزىندە قازاقستان ەلشىسى بولات سارسەنبايەۆ بيىل قازاقستان مەن ينديا اراسىندا ديپلوماتيالىق قارىم- قاتىناستىڭ ورناعانىنا 25 -جىل تولىپ وتىرعانىن اتاپ ءوتتى.
«وسى از عانا ۋاقىتتىڭ ىشىندە قازاقستان مەن ينديا حالىقتار دوستىعىنا جانە ەكى ەل ۇكىمەتتەرىنىڭ ءوزارا ءتيىمدى ىقپالداستىقتى ارتتىرۋعا نەگىزدەلگەن ەرىك-جىگەرىمەن ستراتەگيالىق قارىم-قاتىناس قۇرىپ ۇلگەرەدى»، - دەدى ول.
