قازاقپارات پەن قىتايلىق اقپارات اگەنتتىگى ءوزارا تۇسىنىستىك مەموراندۋمىنا قول قويدى - فوتو
مەموراندۋمعا «قازاقپارات» ح ا ا باس رەداكتورى بيبينۇر تانەلبايەۆا جانە China News Service باس رەداكتورىنىڭ ورىنباسارى جاڭ لي قول قويدى. وسىلايشا تاراپتار قازاقستان مەن ق ح ر اراسىنداعى ىنتىماقتاستىقتى نىعايتۋ ماقساتىندا اقپارات الماسۋ سالاسىنداعى ەكىجاقتى كاسىبي ىقپالداستىقتى نىعايتۋعا جانە دامىتۋعا ءوز مۇددەلىلىگىن ءبىلدىردى.
اقپارات اگەنتتىكتەرى اقپاراتتىق كەڭىستىكتى دامىتۋ ماقساتىندا، مادەني، ەكونوميكالىق، سپورت جانە ساياسي ماسەلەلەر جونىنەن بۇقارالىق اقپارات قۇرالدارىندا وبەكتيۆتى ءارى كاسىبي اقپارات تاراتۋعا جاعداي جاساپ، بىرىككەن جوبالاردى جۇزەگە اسىرۋدى جوسپارلاپ وتىر.
ءوزارا تۇسىنىكتىك تۋرالى وسى مەموراندۋم اياسىندا «قازاقپارات» ح ا ا مەن China News Service ءوزارا تەڭدىك، قۇرمەت جانە تيىمدىلىك نەگىزىندە اقپارات الماسۋ سالاسىنداعى ىنتىماقتاستىق تۋرالى كەلىسىم جاساسۋعا نيەتتى.
The China News Service - بۇل قىتايداعى ەڭ ءىرى مەملەكەتتىك اقپاراتتىق اگەنتتىكتەردىڭ ءبىرى.
