قىتاي قازاقستاندا وسىمدىك مايى زاۋىتتارىن اشۋعا نيەتتى

استانا. قازاقپارات - قىتايلىق كاسىپكەرلەر قازاقستان اۋماعىندا وسىمدىك مايلارىنىڭ وندىرەتىن زاۋىت تۇرعىزىپ، دايىن بولعان ونىمدەردى يمپورتتاۋعا نيەتتى، دەپ حابارلايدى قازاقپارات ءتىلشىسى.

بۇل تۋرالى استانادا وتكەن «KazOil 2017» كونفەرەنسياسىندا ق ر ا ش م تاماق قاۋىپسىزدىگى دەپارتامەنتىنىڭ تەحنيكالىق رەتتەۋ باسقارماسىنىڭ باسشىسى زەينوللا ءشارىپوۆ مالىمدەدى.

زەينوللا ءشارىپوۆ وتاندىق شيكىزاتتان ەكسپورتقا باعىتتالعان باسەكەگە قابىلەتتى جانە ساپالى ءونىم شىعارۋعا الەۋەتىمىزدىڭ جەتكىلىكتى ەكەنىن باسا ايتتى.

«2016 -جىلعى استىق جيناۋ ناۋقانىنىڭ قورىتىندىسىنا سايكەس، مايلى داقىلدار ءوندىرىسى 2 ميلليون توننا كولەمىندەگى رەكوردتى كورسەتكىشكە يە بولدى. بۇل 2012-2016 -جىلدار ارالىعىنداعى ورتاشا كولەمنەن %27 عا جوعارى. وڭدەۋ سالاسىندا دا وڭ وزگەرىستەر بار، 2016-2017 -جىلداردىڭ 10 ايىنداعى وسىمدىك مايلارىن ءوندىرۋ كولەمى سوڭعى جىلدارى تىركەلگەن كورسەتكىشتەن 22 پايىزعا ارتىق»، - دەپ اتاپ ءوتتى ول.

سوڭعى 5 جىلدا قازاقستاندا مايلى داقىلداردى ەگۋ القاپتارى 1,8 ميلليون گەكتاردان 2 ميلليون گەكتارعا دەيىن 10 پايىزعا ۇلعايعان جانە وندا كۇنباعىس (%41) پەن زىعىر (%32) داقىلدارى كوپتەپ ەگىلگەن. 2021 -جىلعا قاراي ا و ك دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسى اياسىندا مايلى داقىلداردى ەگۋ القابىن 3 ميلليون گەكتارعا دەيىن ۇلعايتۋ جوسپارلانىپ وتىر.

سونداي-اق، مينيسترلىك وكىلى قازىرگى ۋاقىتتا قازاقستاننىڭ كۇنباعىس جانە وسىمدىك مايلارىنىڭ نەگىزگى يمپورتتاۋشىسى قىتاي ەكەنىن اتاپ ءوتتى. 2016-2017 -جىلدارى قازاقستاننان قىتايعا 150 مىڭ توننا مايلى داقىلدار مەن 41 مىڭ توننا وسىمدىك مايىن ەكسپورتتاعان.

«اسپان استى ەلىنىڭ مايلى داقىلدارعا دەگەن سۇرانىسىن، قازاقستاندىق نارىقتىڭ الەۋەتىن جانە ىڭعايلى لوگيستيكانى ەسكەرسەك، قازاقستاندىق ەكسپورت كولەمىنىڭ ارتۋى ابدەن مۇمكىن. تاعى ءبىر اتاپ وتەرلىگى، ق ح ر قازاقستان اۋماعىنداعى وسىمدىك مايلارىنىڭ ءوندىرىسىن ينۆەستيتسيالاۋعا جانە اتالعان ونىمدەردى يمپورتتاۋعا دايىن. جاقىندا عانا قىتايلىق «ايجيۋي» كومپانياسى قازاقستاندىق سەرىكتەستەرىمەن بىرلەسىپ،  س ق و تايىنشا اۋدانىندا جىلىنا 300 مىڭ توننا وسىمدىك مايىن وندىرۋگە قاۋقارلى جاڭا زاۋىت تۇرعىزدى»، - دەپ ءوز ءسوزىن تۇيىندەدى ز. ءشارىپوۆ.

ەسكە سالا كەتسەك، 2016 -جىلى قازاقستان كۇنباعىس داندەرىن ەكسپورتتاۋ كورسەتكىشى بويىنشا الەمنىڭ ۇزدىك وندىعىنا ەندى. الەمدىك ماي داقىلدارىن وندىرۋدەگى قازاقستان ۇلەسى 2 پايىزدى قۇرايدى.

ايتا كەتەيىك، بۇگىن استانادا العاش رەت «KazOil 2017» حالىقارالىق ماي-توڭماي كونفەرەنسياسى ءوتتى، وندا قازاقستانداعى ءىرى ماي داقىلدارىن وندىرۋشىلەر مەن قايتا وڭدەۋشىلەرى جانە ءبىرقاتار مۇددەلى شەتەل كومپانيالارىنىڭ وكىلدەرى جينالدى.

جيىن شەڭبەرىندە «قازاگرو» حولدينگىنىڭ قۇرىلىمىنداعى «اگرارلىق نەسيە كورپوراتسياسى» ا ق مەن «قازاقستاننىڭ ماي- توڭماي وداعى» قاۋىمداستىعى» ز ت ب ىنتىماقتاستىق تۋرالى مەموراندۋمعا قول قويدى. ودان بولەك، «قازاگرو» حولدينگىنىڭ وزگە ەنشىلەس كومپانياسى - «ازىق- تۇلىك كەلىسىم شارت كورپوراتسياسى» ۇ ك» ا ق وسىمدىك مايلارى نارىعىندا ءبىرتۇتاس ەكسپورتتىق ساياساتتى قالىپتاستىرۋ جونىندە ءبىرقاتار مەموراندۋمدار جاساستى.