قازاقستانعا ۇشقىشسىز ۇشاتىن اپپاراتتار تەحنولوگياسىن بەرۋگە دايىنبىز - لۋكاشەنكو
دەپ حابارلايدى قازاقپارات ءتىلشىسى مينسكىدەن.
«ءبىز عىلىمي- تەحنيكالىق بايلانىستار الەۋەتىن دۇرىس پايدالا الماي وتىرمىز دەپ ەسەپتەيمىن. قازاقستانمەن عارىش سالاسىنداعى سەرىكتەستىكتى دامىتۋ ماڭىزدى بولار ەدى. ماسەلەن، جەردى قاشىقتان زوندتاۋ، عىلىمي- عارىشتىق زەرتتەۋلەر، عارىش بايلانىسى. بەلارۋس ۇشقىشسىز ۇشاتىن اپاراتتار بويىنشا بايىپتى ازىرلەمەلەرىمەن بولىسۋگە، جەتكىزۋدى ۇيىمداستىرىپ قانا قويماي، ءوندىرىس تەحنولوگيالارىن بەرۋگە دە دايىن. قازاقستاننىڭ بۇل ازىرلەمەلەرگە ۇلكەن قىزىعۋشىلىق تانىتىپ وتىرعانىن بىلەمىن»، - دەدى ول.
بەلارۋس پرەزيدەنتى اگرارلىق سالاداعى يننوۆاتسيالىق جەتىستىكتەرىمەن دە بولىسۋگە دايىن ەكەندىكتەرىن ءبىلدىردى.
«بەلارۋس قازاقستاننىڭ سەنىمدى ترانزيتتىك سەرىكتەسى بولىپ قالۋعا نيەتتى. ەكى ەلدىڭ جىبەك جولى ەكونوميكالىق بەلدەۋى باستاماسىن جۇزەگە اسىرۋعا قاتىسۋى ءبىزدىڭ اۋماعىمىزدىڭ دامۋىنا جاڭا مۇمكىندىكتەر اشىپ ەۋروپا مەن ازيا اراسىندا جۇكتەردى جەدەل ءارى ءتيىمدى جەتكىزۋ ءۇشىن لوگيستيكالىق ينفراقۇرىلىم قۇرۋعا مۇمكىندىك بەرەدى»، - دەدى لۋكاشەنكو.
