استانادا قازاقستان مەن قىتاي ديپلوماتتارى قانداستارىمىز تۋرالى پىكىر الماستى
«27- قاراشادا ق ر سىرتقى ىستەر ءمينيسترىنىڭ ورىنباسارى اقىلبەك كامالدينوۆ ق ح ر ەلشىسى چجان حانحۋەيمەن كەزدەستى. سونداي-اق، قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەت دەپارتامەنتى جانە استاناداعى ق ح ر ەلشىلىگىنىڭ كونسۋلدىق ءبولىم باسشىلىعىمەن قازاق دياسپوراسىنا (ق ح ر ازاماتتارى) بايلانىستى ماسەلەلەردى شەشۋ جولىنداعى ىنتىماقتاستىق جونىندەگى كونسۋلتاتسيالار وتكىزىلدى.
9- قاراشادا قازاقستان رەسپۋبليكاسىنىڭ قىتايداعى ەلشىسى شاحرات نۇرىشيەۆ ق ح ر سىرتقى ىستەر ءمينيسترىنىڭ كومەكشىسى (ۆيتسە-مينيستر) لي حۋەيلايمەن كەزدەستى»، - دەلىنگەن ق ر س ءى م حابارلاماسىندا.
سىرتقى ساياسي ۆەدومستۆونىڭ حابارلاۋىنشا، جىل سوڭىنا دەيىن ق ر س ءى م ءبىرىنشى ورىنباسارى مۇحتار تىلەۋبەردى ءۇرىمجى قالاسىنا ق ح ر شىنجاڭ ۇيعىر اۆتونوميالىق ولكەسى جانە ق ح ر ش ۇ ا و سىرتقى ىستەر باسقارماسى باسشىلىعىمەن كەزدەسۋ ماقساتىمەن، سونداي-اق ق ر س ءى م پاسپورت جانە ۆيزالىق قىزمەت ينسپەكتسياسىن جاساۋ ءۇشىن جۇمىس ساپارىمەن بارادى.
