الماتىنىڭ مەشىتكە كەلۋشى جاماعاتى ءبىر ميلليون تەڭگە ۇتىپ الدى

None
None
الماتى. قازاقپارات - الماتىدا «اسىل مۇرا» باعدارلاماسى اياسىندا فۋتبولدان مەشىتكە كەلۋشى جاماعاتتار اراسىندا فينالدىق كەزەڭى ءوتتى، دەپ حابارلايدى قازاقپارات قالانىڭ اقپاراتتىق جانە سپورتتىق ح ا ب- ىنا سىلتەمە جاساپ.

«باعاناشىل» سپورت كەشەنىندە الماتى قالاسىنىڭ بارلىق اۋداننىڭ ۇزدىك مەشىتتەرىنىڭ سپورتشىلارى باس قوستى. ولار: ۇلجان (الاتاۋ اۋدانى)، اقساي (اۋەزوۆ اۋدانى)، تولە ءبي (المالى اۋدانى)، بايكەن (بوستاندىق اۋدانى)، ءامين (جەتىسۋ اۋدانى)، المەرەك (تۇركسىب اۋدانى)، ءال-حاميد (مەدەۋ اۋدانى)، قالقامان (ناۋرىزباي اۋدانى) مەشىتتەرىنىڭ وكىلدەرى.

 ءۇشىنشى ورىن ءۇشىن وتكەن ويىندا ۇلجان مەن ءال-حاميد مەشىتىنىڭ فۋتبولشىلارى كەزدەسىپ، 3:1 ەسەبىمەن مەدەۋ اۋدانىنىڭ مەشىتى جەڭىسكە جەتتى. اقتىق باسەكەدە قالقامان جانە تولە ءبي ۇجىمدارى جولىقتى. تارتىستى وتكەن شەشۋشى ويىندا المالى اۋدانى 4:2 ەسەبىمەن جەڭىسكە جەتتى.

«ءبىز وسى تۋرنيردى جەڭىپ العانىمىزعا قۋانىشتىمىز. بارلىعى دا جوعارى دەڭگەيدە ءوتتى. الداعى ۋاقىتتا وسىنداي جارىستار ءجيى بولىپ تۇرسا جاقسى بولار ەدى. ءبىز ءوزىمىز فۋتبولدى ءجيى ويناپ تۇرامىز»، - دەدى «تولە ءبي» كومانداسىنىڭ ويىنشىسى دانيار ساحي.

جەڭىمپازدار مەن جۇلدەگەرلەر كۋبوك، مەدال جانە ديپلومدارمەن ماراپاتتالىپ، باعالى سىيلىقتارعا يە بولدى. ال، ءبىرىنشى ورىن العان كومانداعا 1 ميلليون تەڭگە سىياقى تابىستالدى.

«اسىل مۇرا» باعدارلاماسى مەشىتكە كەلۋشى جاماعاتتار اراسىندا بۇقارالىق سپورتتى دامىتۋ ماقساتىندا جۇزەگە اسىرىلعان.

 

سوڭعى جاڭالىقتار
telegram