پارەنجىگە ءدىن تۇرعىسىنان قاراماۋ قاجەت - مينيستر ەرمەكبايەۆ

استانا. قازاقپارات - ءدىن قىزمەتى جانە ءدىني بىرلەستىكتەر تۋرالى زاڭعا بەتتى تۇمشالاپ جۇرۋگە تىيىم سالۋ تەتىگىن ەنگىزۋ جوسپارلانعان، دەپ حابارلايدى قازاقپارات ءتىلشىسى.

ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆتىڭ ايتۋىنشا، ساراپشىلار اتالعان نورمانى جان- جاقتى پىسىقتاپ شىقتى، حالىقارالىق تاجىريبە زەردەلەندى. حالىق اراسىندا ساۋالناما دا جۇرگىزىلدى. وسى ورايدا قوعامدىق قاۋىپسىزدىك ماسەلەسىنە باسا نازار اۋدارىلدى.

 «سول سەبەپتى وسى ىسپەتتى نورمالاردى ەنگىزۋ تۋرالى شەشىم قابىلداندى. نەگىزى، اتالعان ماسەلەگە ءدىن تۇرعىسىنان ەمەس، قاۋىپسىزدىك جاعىنان قاراۋ قاجەت. شىن مانىندە، نيكاب، شادرا، پالاكلاۆا، پارەنجى، يا بولماسا، ماسكا سياقتى كيىم- كەشەكتەر ادامنىڭ بەتىن تۇمشالاپ، قۇقىق قورعاۋشىلاردىڭ جۇمىسىن قيىنداتادى. وسىنىڭ سالدارىنان قاۋىپسىزدىكتىڭ دەڭگەيى دە تومەندەيدى. سوسىن ونداي كيىمدەر ءبىزدىڭ قوعامىمىز ءۇشىن جات نارسە. ادامدار ونى اشىق ايتىپ جاتىر. سول سەبەپتى اتالعان نورمانى ەنگىزۋدى ءجون كوردىك»، - دەيدى مينيستر ەرمەكبايەۆ.

 ايتا كەتەيىك، ق ر سىرتقى ىستەر مينيسترلىگىندە وتكەن باسپا ءسوز ءماسليحاتىندا  ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ەلشىلەر ءۇشىن ارنايى باسپا ءسوز ءماسليحاتىن وتكىزدى. مينيستر ءدىني قىزمەت جانە ءدىني بىرلەستىكتەرگە ارنالعان زاڭناماعا قانداي وزگەرىستەردىڭ ەنگىزىلەتىنىن كەڭىنەن ايتىپ بەردى. ونىڭ سوزىنە قاراعاندا، مەملەكەتتىك قىزمەتشىلەردىڭ ءدىني ۇستانىمىنا قاتىستى ناقتى ءۇش شەكتەۋ بولادى.

اۆتور: ارمان اسقاروۆ