الماتىدان تاشكەنتكە كۇن سايىن ۇشاق قاتىنايدى

استانا. قازاقپارات - ق ر ي د م ازاماتتىق اۆياتسيا كوميتەتى مەن وزبەكستان اۆياتسيا اكىمشىلىگىنىڭ، سونداي-اق ەكى ەلدىڭ اۆياكومپانيالارى اراسىنداعى كەلىسسوزدەردىڭ ناتيجەسىندە اۋە رەيستەرىن كوبەيتۋ تۋرالى كەلىسىمگە قول جەتكىزىلدى، دەپ حابارلايدى قازاقپارات كوميتەتتىڭ فەيسبۋكتەگى پاراقشاسىنا سىلتەمە جاساپ.

«ەير استانا» 2017-جىلعى 2- جەلتوقساننان الماتى - تاشكەنت باعىتىندا اپتاسىنا 6 رەيستەن 7 رەيسكە دەيىن ارتتىرادى، ياعني ەندى ۇشاقتار كۇندە ۇشاتىن بولادى.

ال استانا - تاشكەنت باعىتىندا 3- جەلتوقساننان ۇشەۋدەن 4 رەيسكە كوبەيتىلەدى. ءوز كەزەگىندە «وزبەكستان اۋە جولدارى» اۆياكومپانياسى ءدال وسى باعىتتارداعى رەيستەردى 4 جەلتوقساننان باستاپ جۇزەگە اسىرۋدى جوسپارلاپ وتىر، سونداي-اق رەيستەردىڭ سانى دا «ەير استانامەن» بىردەي ارتتىرىلادى.

ەندى ەلدەر اراسىنداعى رەيستەردىڭ سانى اپتاسىنا 22 رەيستى قۇرايدى. ياعني ۇشاقتار تاشكەنتكە قاراي الماتىدان كۇنىنە ەكى رەت، ال استانادان كۇنىنە ءبىر رەت ۇشادى. الداعى ۋاقىتتا قازاقستاننان وزبەكستاننىڭ سامارقاند، بۇحارا جانە ۇرگەنىش قالالارىنا اۋە قاتىناسىن اشۋ جوسپاردا بار.