قازاقستاننىڭ بىرەگەي تاريحى باتىس ءۇشىن وتە قىزىقتى باعىت - يتاليا دەپۋتاتى

استانا. قازاقپارات - قازاقستاننىڭ بىرەگەي بايلىعىن الەمگە پاش ەتۋىمىز قاجەت.

تۋريستىك الەۋەتى جارقىن بولاتىنىنا سەنىمدىمىن.

يتاليا پارلامەنتىنىڭ دەپۋتاتى جانە قازاقستانمەن پارلامەنتارالىق دوستىق توبىنىڭ پرەزيدەنتى ەدموندو چيريەللي وسىنداي ىقىلاسىن ءبىلدىردى، دەپ حابارلايدى حابار 24.

ونىڭ ايتۋىنشا، قازاقستاننىڭ قاسيەتتى جەرلەرىنىڭ كارتاسى نەمەسە مادەني- گەوگرافيالىق بەلدەۋدىڭ جاسالعانى شەتەل ساياحاتشىلارىنىڭ نازارىن مىندەتتى تۇردە وزدەرىنە اۋدارادى. «رۋحاني جاڭعىرۋ» باعدارلاماسىندا كورسەتىلگەندەي كيەلى جەردىڭ ءتىزىمى ەلگە كەلۋشىلەردىڭ سانىن ارتتىرىپ، ءتۋريزمىنىڭ نەگىزى بولىپ قالىپتاسۋى مۇمكىن.

«يتاليالىقتار جانە جالپى ەۋروپالىقتار ءۇشىن تاڭسىق جەرلەرگە ساياحات جاساۋ جانىنا جاقىن بولىپ كەلەدى. سوندىقتان ەۋروپا مەن ازيانىڭ اراسىندا التىن كوپىر بولعان قازاقستاننىڭ بىرەگەي تاريحى باتىس ءۇشىن وتە قىزىقتى باعىت بولارى ءسوزسىز. بۇگىنگى تاڭدا مەملەكەت ءتۋريزمى جاقسى ۇيىمداستىرىلعان، ءقاۋىپسىز ەل بولىپ سانالادى»، - دەدى يتاليا پارلامەنتىنىڭ دەپۋتاتى ەدموندو چيريەللي.