شەتەلدىك جۋرناليستەر قازاقستان مادەنيەتىمەن تانىستى
سىرتقى ىستەر مينيسترلىگى مەن مادەنيەت جانە سپورت مينيسترلىگىمەن بىرلەسىپ ۇيىمداستىرعان اپتالىق باسپا ءسوز تۋرى بارىسىندا جۋرناليستەر استانا، الماتى، شىمكەنت پەن تۇركىستانعا بارىپ كەلدى.
بۇل تۋرالى س ءى م باسپا ءسوز قىزمەتى حابارلايدى.
تۋرعا مادەنيەت جانە ونەر سالاسىندا ماماندانعان اۆستراليا، اۆستريا، برازيليا، ۇلى بريتانيا، يسپانيا، يتاليا، كانادا، مىسىر، سەربيا، ا ق ش، فرانسيا، وڭتۇستىك افريكا رەسپۋبليكاسى جانە جاپونيانىڭ جيىرمادان استام تىلشىلەرى مەن بلوگەرلەرى قاتىسۋدا.
باسپا ءسوز تۋرىنىڭ قاتىسۋشىلارمەن كەزدەسۋ بارىسىندا سىرتقى ىستەر ءمينيسترى قايرات ءابدىراحمانوۆ تۇسىندىرگەندەي، قازاقستان قازىرگى قازاقستاندىق مادەنيەتتى شەتەلدە ءتيىمدى جىلجىتۋىن قامتيتىن مەملەكەت باسشىسى نۇرسۇلتان نازاربايەۆتىڭ «رۋحاني جاڭعىرۋ» اۋقىمدى باعدارلاماسىن ىسكە اسىرۋعا كىرىستى.
باسپا ءسوز تۋرى كەلگەن جۋرناليستەرگە قازاقستانداعى مادەني ارتۇرلىلىك پەن الەۋەتتىڭ كەڭ كورىنىسىن قالىپتاستىرۋعا كومەكتەسەدى. استانادا تىلشىلەرگە ۇلتتىق مۋزەي مەن ەكسپو-2017 قازاقستاندىق پاۆيلونىنىڭ ەكسپوزيتسيالارى ۇسىنىلدى.
ۇلتتىق اكادەميالىق كىتاپحاناسىندا باسپا ءسوز تۋرى قاتىسۋشىلارىنىڭ الدىندا ءۇمىتحان مۇنالبايەۆا، تۇرسىن جۇرتباي، بولات كومەكوۆ، ءالىمجان بايانعالي، تۇرجان وڭايگۇل جانە ۇلىقبەك ەسداۋلەت سياقتى قازاقستاندىق ادەبيەتتانۋشىلار مەن عالىمدار ءسوز سويلەگەن.
پروفەسسور ءادىل احمەتوۆپەن، سونداي-اق جەبەۋشى جانە ساياحاتشى ساپار ىسقاقوۆپەن كەزدەسۋلەر ءوتتى.
«استانا-وپەرا» تەاترىندا شەتەلدىك تىلشىلەر «كارمەن» وپەراسىنىڭ پرەمەراسىن تاماشالادى. وڭتۇستىك قازاقستان وبلىسى اكىمدىگىمەن بىرلەسىپ، باسپا ءسوز تۋرىنىڭ قاتىسۋشىلارىنا وتىرار كونە شاحارى، قوجا احمەت ياسساۋي مەن ارىستانباب كەسەنەلەرىنە، سونداي-اق ازىرەت سۇلتان مەملەكەتتىك تاريحي-مادەني مۇراجاي-قورىعىنا ساپارلارى ۇيىمداستىرىلدى.
الماتىعا ساپار باعدارلاماسى الماتى قالالىق اكىمشىلىگىنىڭ قولداۋىمەن ازىرلەنىپ، وعان كوركەم سۋرەت مۇراجايى، ءا. قاستەيەۆ اتىنداعى ونەر مۇراجايى، الماتى مۇراجايى، «ترانسفورما» تەاتر الاڭى، ونەر گالەرەياسى، ءداستۇرلى مۋزىكانىڭ مۋلتيمەديا ورتالىعى، «Qazaq-Oner» قولونەر ورتالىعى، جاس قازاق اقىندارىمەن كەزدەسۋ، باسقا دا ءىس-شارالار كىرەدى.
سىرتقى ىستەر مينيسترلىگى قازاقستانداعى ساياسي جانە ەكونوميكالىق وقيعالاردى جاريالاۋ ءۇشىن شەتەلدىك تىلشىلەردىڭ باسپا ءسوز تۋرلارىن تۇراقتى تۇردە ۇيىمداستىرىپ وتىرادى. سونىمەن قاتار، «جاھاندىق الەمدەگى قازىرگى قازاقستاندىق مادەنيەت» جوباسى شەڭبەرىندە ءوتىپ جاتقان بۇل ءبىرىنشى باسپا ءسوز تۋرى ءتۋريزمدى دامىتۋعا جانە جالپى قازاقستاننىڭ دامىپ كەلە جاتقان مەملەكەت رەتىندەگى وڭ يميدجىن قالىپتاستىپۋعا اتسالىسادى.
