وڭتۇستىك قازاقستان وبلىسى كوكونىس كونسەرۆىلەرىن قىتايعا ەكسپورتتاۋدا - فوتو
كاسىپكەر تاۋارلاردىڭ باسىم بولىگىن الماتى قالاسى مەن ەلىمىزدىڭ باتىس وڭىرلەرىنە جىبەرۋدە. بۇگىندە تابيعي، ەكولوگيالىق تازا ونىمدەرگە قىتاي حالقى دا قىزىعۋشىلىق تانىتا باستاعان.
«كۇن ساناپ ونىمىزگە دەگەن سۇرانىس كۇشەيىپ كەلەدى. تۇتىنۋشىلاردىڭ كوڭىلىنەن شىققاندىقتان دەپ ويلايمىن، قازىر شەتەلدىك نارىققا اياق باسىپ وتىرمىز. جازعى ۋاقىتتا 40 ادام جۇمىسقا تارتىلعان. ال، قازىر 20 ادام جۇمىس ىستەۋدە»، - دەدى «بايتەرەك 4» ج ش س ديرەكتورىنىڭ ورىنباسارى باقىتجان وسپانوۆ.
وڭدەلەتىن كوكونىستەر سايرام اۋدانىنان بولەك، قىرعىزستان، وزبەكستان ەلدەرىنەن دە ساتىپ الىنۋدا. كاسىپكەر الداعى ۋاقىتتا شيكىزاتتى دا ءوزى ءوندىرۋدى قولعا الماق. وسى جۇمىستاردى ىسكە اسىرۋ ءۇشىن اۋدان اكىمشىلىگىمەن بىرلەسكەن تۇردە ءتيىستى جۇمىستار اتقارىلۋدا.
ايتا كەتسەك، «بايتەرەك 4» ج ش س- نىڭ «كوكونىس كونسەرۆىلەۋ بازاسى 2015 -جىلى «بيزنەستىڭ جول كارتاسى-2020» مەملەكەتتىك باعدارلاماسى اياسىندا ىسكە قوسىلعان. جوبانىڭ جالپى قۇنى 115 ميلليون تەڭگە. ءوندىرىس ورنى قىتاي، رەسەي، جانە بولگاريا ەلدەرىنەن الىنعان زاماناۋي قۇرال جابدىقتارمەن جابدىقتالعان.
