دونالد ترامپ نۇرسۇلتان نازاربايەۆتى ۆاشينگتونعا شاقىردى

استانا. قازاقپارات - قازاقستان پرەزيدەنتى نۇرسۇلتان نازاربايەۆ قاڭتاردا ا ق ش پرەزيدەنتى دونالد ترامپپەن كەلىسسوز جۇرگىزەدى، دەپ حابارلايدى «قازاقپارات» ح ا ا.

«جۋىردا تەلەفونمەن سۇحبات كەزىندە پرەزيدەنت ترامپ مەنى اق ۇيگە شاقىردى. 2018-جىلعى 1- قاڭتاردان باستاپ قازاقستان ب ۇ ۇ قاۋىپسىزدىك كەڭەسىنە ءتوراعالىق ەتۋىنە بايلانىستى مەن سوندا بولامىن. سول كەزدە مەن ۆاشينگتونعا باراتىن بولىپ كەلىستىك»، - دەدى نۇرسۇلتان نازاربايەۆ ەلوردادا 13- قاراشا كۇنى وتكەن استانا كلۋبىنىڭ ءۇشىنشى وتىرىسىندا.

سونداي-اق مەملەكەت باسشىسى ەلدەردى ەكونوميكالىق مۇددەلەر بايلانىستىراتىنىن ايتتى.

«300 دەن استام امەريكالىق كومپانيا قازاقستاندا جۇمىس ىستەيدى، ولار ءبىزدىڭ ەلگە 50 ميلليارد دوللارعا جۋىق ينۆەستيتسيا قۇيدى. ولار - مۇناي، ەنەرگەتيكا سالالارىنداعى ءىرى كومپانيالار. ءبىز تەحنولوگيالار سالاسىندا دا، بىرلەسكەن ينۆەستيتسيالار باعىتىندا دا ىنتىماقتاستىقتى جالعاستىرۋدى قالايمىز»، - دەدى ول.