ق ر پرەمەر-ءمينيسترى قىتايلىق تەحنولوگيا كومپانياسىنىڭ وكىلدەرىمەن كەزدەستى

استانا. قازاقپارات - ۇكىمەت ۇيىندە ق ر پرەمەر- ءمينيسترى باقىتجان ساعىنتايەۆ كومپانيا ۆيتسە-پرەزيدەنتى ەمي لين باستاعان Huawei Technologies وكىلدەرىمەن كەزدەسۋ وتكىزدى، دەپ حابارلايدى قازاقپارات primeminister.kz سايتىنا سىلتەمە جاساپ.

كەزدەسۋ بارىسىندا كومپانيامەن ەلىمىزدىڭ تەلەكوممۋنيكاتسيا سالاسىندا بىرلەسكەن يننوۆاتسيالىق جوبالاردى ىسكە اسىرۋ ماسەلەسى تالقىلاندى.

ايتا كەتەرلىگى، ق ح ر-دا 1988 -جىلى قۇرىلعان  Huawei Technologies -نىڭ شتاب-پاتەرى شىنجىن قالاسىندا ورنالاسقان. بۇگىندە الەم بويىنشا 12 وڭىرلىك وكىلدىگى قىزمەت كورسەتەدى. كومپانيا ونىمدەرى الەمنىڭ 170 تەن استام ەلىنە شىعارىلادى.

 قازاقستاندا Huawei كومپانياسىنىڭ وكىلدىگى 1998 -جىلى قۇرىلعان. كومپانيانىڭ قازاقستانداعى قىزمەتى Huawei كورپوراتسياسىنىڭ بارلىق ءۇش بيزنەس-توبىن قامتيدى.