مەيرامبەك بەسبايەۆ ماسكەۋ تورىندە كۇمبىرلەتە كۇي شەرتىپ، الەمگە ايگىلى مۋزىكانتتاردى مويىنداتتى - ۆيدەو
ءيا، ۇلتتىق اسپابىمىزدى ۇلىقتاۋدا وزىندىك ۇشان- تەڭىز ۇلەسىن قوسقان بايعالي سەركەبايەۆ، «ا- ستۋديونىڭ» 30 جىلدىق مەرەيتويىنا مۋزارتتىق مۋزىكانتتاردى ارنايى شاقىرعان. مەيرامبەك بەسبايەۆ قارا دومبىرانى كۇمبىرلەتىپ، ماسكەۋلىك تىڭدارماننىڭ قۇلاق قۇرىشىن قاندىرىپ قايتقان. بۇل جايىندا Stan.kz تىلشىسىنە ەكسكليۋزيۆتى سۇحبات بەرگەن ساكەن مايعازيەۆ اتالمىش كەشتەن العان اسەرىمەن ءبولىستى.
«شىنىندا دا قاسيەتتى دومبىرامىزدىڭ كۇمبىرلەگەن داۋىسىن رەسەيدىڭ تورىندە، ماسكەۋدىڭ ورىندە ويناتىپ قايتتىق قۇدايعا شۇكىر. مەيرامبەكتىڭ شەبەرلىگى ءبىر توبە، شىنىندا ەكى ىشەكتى دومبىرامەن قانداي دۇنيەلەردى ويناۋعا بولاتىنىن، مۇمكىندىگىن كورسەتىپ قايتتى. جاقسى قابىلدادى، جاقسى قارسى الدى. بايعالي ەرمەك ۇلى اعامىزدىڭ ءوزى دە قازاقتىڭ ەڭ كەرەمەت اسپابى ەكەنىن استىن سىزىپ تۇرىپ ايتتى. كورىنگەننىڭ قاڭسىعىن تاڭسىق قىلماي، وسىنداي دۇنيەلەرىمىزدى پاش ەتە بىلسەك، ول ءبىزدىڭ ۇتقانىمىز دەپ ويلايمىن»، - دەيدى ساكەن مايعازيەۆ.
سونداي-اق، رەسەيلىك تىڭدارماندارمەن قاتار الەمدىك جۇلدىزدارمەن شىعارماشىلىق بايلانىستا بولعان كاسىبي مۋزىكانتتار مەيرامبەكتىڭ شەبەرلىگىنە ءتانتى بولىپ، قازاقتىڭ قارا دومبىراسىنا جوعارى باعا بەرىپتى.
«الەمدىك ارەنادا جۇرگەن پينك فلويد، لەدي گاگا، تين تەرنەر سىندى الەم جۇلدىزدارىمەن بىرگە جۇمىس جاساعان گرەگ ۋولش دەگەن ازامات «ا- ستۋديونىڭ» كونسەرتىن دىبىستادى. سول ازاماتتىڭ ءوزى تاڭقالىپ جاتىر. قازاق حالقىنىڭ مۋزىكا الەمىندە بولاشاعى جارقىن حالىق دەپ ەسەپتەيمىن. سول سەبەپتى ول كىسى دە ءبىزدىڭ اسپاپقا جاعاسىن ۇستاپ، تاڭدايىن قاعىپ جاتىر»، - دەيدى مايعازيەۆ.
A'студио #30 жыл! 😊🇰🇿🎼🌎🏇🇷🇺☀️
ال، مەيرامبەك بەسبايەۆتىڭ «ا- ستۋديو» توبىنىڭ مەرەيتويىنا قاتىسۋ يدەياسى وسىدان بىرنەشە اي بۇرىن باس قالامىزدا تۋىنداپتى.
«وسىدان 2 اي بۇرىن استانادا ءبىر كونسەرتتە بايعالي اعامىزبەن ۇشىراسىپ قالدىق. سودان كونسەرتتىڭ سوڭىندا ءبىر جەردە داستارحانداس بولايىق دەپ قوناققا شاقىردىق. سول كەزدە ۇلكەن باسىن كىشىرەيتىپ كەلدى. ول كەزدە «ا- ستۋديو» توبىمەن ەمەس، ءوزى عانا كەلگەن. جاقسى وتىرىس بولدى. تاڭعا دەيىن «ا- ستۋديونىڭ» اندەرىن جاتقا ايتىپ بەردىك. قانشالىقتى قۇرمەتتەيتىنىمىزدى كورسەتتىك. سول كەزدە ماسكەۋدە وتەتىن «ا- ستۋديونىڭ» 30 جىلدىق كونسەرتىنە شاقىرعان بولاتىن. ءبىز قۋانىپ كەتتىك. اياق استىنان شەشىم قابىلداپ باراتىن بولىپ شەشتىك»، - دەيدى «مۋزارتتىڭ» ءانشىسى.
سونداي- اق، كونسەرتكە كەلگەن كورەرمەندەر قاتارىندا وتىرعان ساكەن مايعازيەۆكە دە ايگىلى «ا- ستۋديونىڭ» كونسەرتىندە ونەر كورسەتۋ باقىتى بۇيىرعان. الايدا، رەسمي تۇردە ساحناعا شىعۋ تۋرالى بايعاليدىڭ ۇسىنىسىنان مۋزارتتىق ءانشى باس تارتىپتى.
«ءبىرىنشى كۇنگى كونسەرتتە «The Jigits» توبى بۇكىل «ا- ستۋديونىڭ» اندەرىنەن پوپپۋري ورىنداعان كەزدە، مەن ساحناعا جاقىن وتىرعانمىن. جىگىتتەردەن ميكروفون سۇراپ الىپ، قوسىلا شىرقادىم. ءبىرىنشى كەشتەن كەيىن بايعالي مىرزا ەكىنشى كونسەرتكە قاتىسۋعا ۇسىنىس تاستادى. سوسىن مەن ايتتىم قالجىڭداپ «جو-جوق، شيكى دۇنيەنى شىعارا سالۋعا بولمايدى. كەمىندە 2-3 كۇن دايىندالۋ كەرەك ەدى. ۇلكەن راحمەت كوڭىلىڭىزگە. اللا ءناسىپ ەتسە، الداعى ۋاقىتتا دا شىعارماشىلىق بايلانىستا بولامىز دەپ جىلى جاۋىپ قويدىم»، - دەيدى ساكەن مايعازيەۆ.
😊🇰🇿🎼🌎🏇🇷🇺☀️
😊🇰🇿🎼🌎🏇🇷🇺☀️ "А'Студио" 30 жыл. @astudio_group @baigali_astudio @m_besbaev @miklosic @keti_one_official
